دردشة البلطيات

على فكره انا جوزى قبل ما اتجوزه كان فى الرياض اعد 5 سنين وكان شغله محاسب بشركه هناك وكان مبسوط قلتله ياريت ما كنت نزلت بس النصيب عشان يشوفنى بأه ههههههههههههههههههههه

قطوطه حبيبتى انا هقوم بقى انيم الولاد وان شاء الله ياحبيبتى اقابلك بكره على خير وانا والله سعيده اوى بمعرفتك ربنا يدمها ياجميل دعواتك لى بالشفاء بوسيلى جومانه

اتفضلى يا عليا وربنا يشفيكى يا رب وتكونى فى اتم صحه وحال والف سلامه عليكى ... وربنا يديمها علينا صداقه جميله يارب سلالالالام

شكرا يا قطه وربنا يوفقك فى مذاكرتك ويخليلك جومانا
انا كمان يا قطقوطه دراستى مجال الاعلام وقسم اذاعه وتلفزيون كمان اى خدمه
نحن فى الخدمه

صبااااااااااااح الخبببببببببببببر

مافيش حد هناااااااااااااا كلكم نايمييييييييييييين

صباح الخير و الفل عليكم يابنات
ايه كل الكلام ده من ورايا كده 00000 معلش امبارح مش عرفت ادخل بسبب ان التكييفبتاع الغرفه الى فيها الكمبيوتر عطل فجاة و ما ادراكم هنا من غير مكيف الدنيا بتبقا عامله ازاى علشان كده علمنا نغيرات فى نظام الشقه كلها و غيرنا مكان النوم و الكمبيوتر
داليدا طيب الحمد لله انك مبسوطه فى الرياض و انتى كمان يا فوفو سبحان الله انا الحاله النشاذ الى هنا انا لا اطيق السعوديه باى حال والله لو بقت مدهونه عسل هو ما فيهاش غير الحرم المكى و الحرم النبوى اى مكان اخر ليس له اى طعم او لون معلش اعذرونى انا حياتى كلها من صغرى كنت مغتربه و بابا اصابه المرض من الضغوط هنا و بالتالى فلا اكن لهذة البلد اى معزة حاسه دايما انها خددت منى طفولتى و فرقتنى عن اعز الناس عندى
الحمد لله انى نازله خلاص ومش عارفه اقولكم عقبالكم للاحسن تزعلوا منى ربنا يحلى لكم حياتكم و يهنيكم
اظن يا داليدا مش رغى زى رغيى
يا بنات فين سارة و رشا مش بيظهروا ليه
سلام الان و ابقى ارجع لكم تانى

صباح الفل على عيونكم كلكم.يا نهى احنا جيين هنا عشان نرغى وبعدين ياريت كل الرغى زى رغيك يا عسل.ربنا يهنيكى ويسعدك بلقى اهلك وحبايبك
صباخ الخير عليكى يا فوفا انتى كمان.انتى بتصحى بدرى كده كل يوم؟
هقوم بقى احضر حاجة الغدا واطلعها من الفريزر واصلى واجيلكو تانى

ياحبيبتى يا خلود ربنا يصرف عنك ويهنيكى معلش ياحبيبتى محدش مرتاح والله
وضغوط الحياه بتخلى الواحد علطول عصبى ربنا يهدينا ويصرف عنا ويتم لك
على خير ياحبيبتى ونفرح بيكى قريبا ياقمر

اهلا يا خلود ولا اقولك هنمشيها نودى بقى ها.ربنا يهدى بالنا كلنا.وفرحك امتى يا جميله؟

اية الرغي دة كلة ما شاء الله اسبكم كام يوم تعملو كل دة :هيييييييييه:
ازيكم نفر نفر
نهي حبيبتي ازيك اية اخبار استعدادات السفر يارب تكونو بخير
داليدا عاملة اية علي فكرة انا خالتي عايشة في الرياض من 25 سنة ومش عايزة تنزل خالص بتيجي اجازات وبس
خلود ازيك يا جميلة عاملة اية
سوزي اية اخبارك
سارة فينك انت ورشا مستخبين ولا اية
قطقوطة ازيك وازي بنوتك

السلام عليكم انا دايما بصحى بدرى يا داليدا
بس بدخل مش بلاقيكم فبخرج تانى
ازيك يا نودى ويارب يتملك على خير يا جميل

hananany كتب:

اية الرغي دة كلة ما شاء الله اسبكم كام يوم تعملو كل دة :هيييييييييه:
ازيكم نفر نفر
نهي حبيبتي ازيك اية اخبار استعدادات السفر يارب تكونو بخير
داليدا عاملة اية علي فكرة انا خالتي عايشة في الرياض من 25 سنة ومش عايزة تنزل خالص بتيجي اجازات وبس
خلود ازيك يا جميلة عاملة اية
سوزي اية اخبارك
سارة فينك انت ورشا مستخبين ولا اية
قطقوطة ازيك وازي بنوتك

اهلا يا جميل لزيك انا عضوة جديدة احب اتعرف عليكى

مساااااااااااااااااااء الفل يا نودى انا الحمد لله بخير
والحمد انك بقيتى احسن يا جميل

صباح الفل عليكم عامليين ايه
و الله كويس يا داليدا انتى اخداها كسل برضه فى بيتك و بتصحى متاخر خليكى نشيطه شويه و اصحى بدرى و اعملى شويه رياضه خلى بالك للاحسن امكانيه التخن من الاكل و الحاجه الساقعه كبيرة جدا ولا اقولك بلاش رياضه الان خلينا نفرح بيكى و نشوف معاكى نونو عن قريب
ان شاء الله
على فكرة يا بنات فيه تجمع حلو قوى على لك خاص بالمغتربات فى السعوديه يارثيت تعملوا حاجه كده هنا اصل احنا هناك غالبا كلنا عايشيين فى جدة فبصراحه بنفيد بعض فى اى جديد فى الاسواق
ريهام 00 وحشانى خالص ايه اخبارك و اخبار بنوتاتك يارب تكونوا بخير
و لسه مفيش جديد بالنسبه للمدرسه ولا انتى استقريتى خلاص على القوميه
فين باقى البنات يا جماعه فاطمه و رشا و سارةو سوزان
علياء وحشانى و الله انا بقيت معزوله عن الدنيا من ساعه ما اللاب توب راح يتصلح
خلود 000 انتى لسه فين و عصبيه فين روقى كدة و حوشى النرفزة لغايه ما يبقى عندك 3 عيال زى ولادى ها تطلع النرفزة لوحدها و الله يا جماعه اى حاجه فى الدنيا ما تستاهيلش اى نرفزة لو فكرنا فيها بالعقل يى شدوا حيلكم بقى و عايزيين افراح قريب ان شاء الله
فافو و نوريين و قطه اخباركم ايه
فافو انتى عندك ولاد فى المدراس فى الرياض ولا لسه
قبلاتى لكم كلكم و اشوفكم ان شاء الله على خير
:بوسة: :بوسة: :بوسة: :بوسة:

[color:7a35="Red"]
صباح الفل يا نهى انا بناتى لسة مدخلوش المدرسة
رنا ورنين 3 سنين وشذى سنة لسة شوية على المدرسة

صباح الفل على القمرات كلهم.كويس كده يا نونا ولا اصحى بدرى كمان؟؟؟؟؟؟؟؟؟؟؟
وبالنسبه لموضوع الرياضه ده انا اصلا هاوياه من زمان بس زى ما قلتى اصحابى قالولى بلاش تعمليه فى المرحله دى محدش عارف لسه ربنا رايد ايه.
بالنسبه للتخن بقى الواحد ناعى الموضوع ده.بس بينى وبينك يا نهى انا بحاول امنع الحاجه الساقعه الى حد كبير من البيت وتقريبا نجحت.هى العصاير الطبيعيه بتخن برده؟؟؟؟؟؟؟؟

وكمان عندى سؤال تانى يا نونا بما انك بتتكلمى على المدراس.انا عايزه اعرف المدارس هنا تقريبا الرنج بتاع مصاريفها كام؟اصلى سمعت من ناس كتير انك اول ما طفلك يوصل سن حضانه او مدرسه انزلى مصر احسن.عشان هتصرفى عليه فى السنه 20 الف ريال؟الكلام ده صحيح؟

سؤال كمان مزعج مهو الواحد لازم يستغلك كويس يا نهى عشان لما تنزلى مصر هتكلمينا من البوتاجاز مش من اللاب توب فالواحد مش ضامنك بصراحه.السؤال يا ستى هو التجمع بتاع المغتربات فى جده فى منتدى لكى.مفيش زيه بس للمغتربات فى الرياض.انتى عارفه انى محتاجه الموضوع ده جداا لانى لسه ابيض يا ورد هنا

سلامى لريهام ولفطوم ولنودى ولعليا ولسندس ولساره ولفوفا ولهدير والف سلامه على كل الى تعبانين ولرشا المختفيه وعلى فكره افراج هناك بتسأل على الموقع ده ممكن حد يبعتهولها عشان انا مش عارفه
صباح الفل

صباحكو زى الفل

ازيكم ازيكم انا جاية اطمن عليكم انا بخير ولله الحمد

على فكلرة انا بعت الموقع دة للافراج من اول امبارح

سلامى الى علياء والى نهى وفوفا وقطة ولرشا

خلود طبعا هدير ريهام داليدا بحبكم

ازيك يا فاطمة اخبارك اية يا جميل
وانتى يا داليدا عاملة اية لو مش جنبك جيران
ممكن تتعرفى عليهم يا ستى انا هعرفك هنا كل
حاجة بس ان شاء الله نتقابل

ازيكم يا بنات عاملين اية
عاملة اية يا فوفة انا يا ستي اسمي ريهام بكالريوس تجارة دفعة 2002 ودراسات عليا دفعة 2004 وعايشة في الاسكندرية ومعايا بنوتين هنا وسماوعندي 29 سنة ولوعايزة تتعرفي اكتر اسألي وانا اجاوب ماشي يا جميل

hananany كتب:

ازيكم يا بنات عاملين اية
عاملة اية يا فوفة انا يا ستي اسمي ريهام بكالريوس تجارة دفعة 2002 ودراسات عليا دفعة 2004 وعايشة في الاسكندرية ومعايا بنوتين هنا وسماوعندي 29 سنة ولوعايزة تتعرفي اكتر اسألي وانا اجاوب ماشي يا جميل

ازيك يا ريهام  ربنا يخلياك بناتك انا بقى معايا رنا ورنين وشذى و ليسانس اداب من المنصورة بس مغتربة فى السعودية انا من عشاق الاسكندرية

اهلا بيكي يا فوفة وربنا يخليلك بناتك يارب