دردشة البلطيات

السلام عليكم ورحمه الله وبركاته
ازيكم يا حبيباتى يارب تكونوا بخير
نهى حبيبتى ربنا يعينك وتنزلى مصر بالف سلامه وان شاء الله اكيد مشكله النت دى هتتحل انتى معاكى لاب توب والنت بسيطه انك تدخليه ربنا ييسر ياجميل
داليدا انتى لسه هتحبى البلد هنا اوى انا فى مكه وبموت فى السعوديه ومش بحب انزل مصر خالص زى ما فوفا بتقول هنا بتحسى انك لوحدك مع زوجك فى هدوء ومفيش حد بيتدخل فى حياتك يعنى من الاخر بتشترى دماغك وربنا ياحبيبتى يهديلك الحال ويرزقك بالذريه الصالحه عاجلا غير اجل ياجميل
سلامى لقطه ونروين وملكه الاحساس وسوزى وطبعا حبيبتى فاطمه ونودى ورشروشه المستخبيه
وكل البنات
بحبكم فى الله

وانا كمان يسعدنى جدا انى اتعرف بيكى اكتر يا فوفا.انا يا جميل فى الروضه.كده نبقى بعاد عن بعض ولا ايه؟ انا مش عارفه
ربنا يخليلك بناتك اساميهم زى العسل
قوليلى بقى انتى عندك كام سنه وبتشتغلى ولا ايه وبتقضى وقتك ازاى يا عسل

فين بقيت البنات يا جماعه ريهام وساره ورشروش وشجون والف سلامه عليكى يا هدوره
وسلامى لفطومه وسندس ونهى

عليا قوليلى يا جميله ايه اخبار العمره عندكو.قال انهم مانعينها اليومين دول عشان انفلونزا الخنازير.انا سمعت كده
ربنا يكتبهالى ياااااااااااااااااااااارب

والله ياحبيبتى العمره اليومين دول زحمه بس هتتزحم اكتر كمان شهر ونص كده عشان بدايه الاجازه عاوزه تيجى تعالى دلوقتى احسن اما بالنسبه لانفلونزا الخنازير دى مش عندى فكره
بس اكيد الحكومه هنا عامله احتياطتها اوى هما بيخافوا اوى على شعبهم مش زينا يلا ربنا يحفظنا جميعا ويكتبلك الحج والعمره ياحبيبتى

شكرا يا عليا ربنا يخليكى ليا

dalida كتب:

شكرا يا عليا ربنا يخليكى ليا

اى خدمه ياحبيبتى اى حاجه عاوزها انا تحت امرك ياجميل

فوفا ازيك انا موجوده بس بدخل بالليل اكتر ,, والمذاكره اهه الحمد لله تمام بشد على الاخر دعواتك يا فوفا

بوسيلى بناتك كتير

داليدا ازيك عامله ايه ... ؟؟؟ ربنا يكتبلك العمره يارب وكل اللى تتمنيه يتحقق ليكى على فكره انا سمعت ان العمره ممنوعه من هنا فى مصر مش فى السعوديه يعنى معرفش اسافر من مصر وده اللى اعرفه ... لكن بدل ما دخلتى السعوديه يبقى سهل تعملى العمره ..
عليا .. ازيك عامله ايه

اهلا يا قطقوطه ازيك يا حبيبتى عامله ايه مذاكره ايه انتى بتدرسى؟
ربنا معاكى ياقمر

قطه كتب:

اهلا عليا انا بدرس فى الجامعه المفتوحه اعلام وانا دلوقت سنه 3 ونفسى اخلص بقى لحسن اتجننت مع بنتى جومانا كمان هى دلوقت عندها سنتين ونص انما شقيه ومش عاوزانى اذاكر عاوزانى ليها هى وبس هههههههههههههههههههههه

اهلا قطقوطه ربنا معاكى ياحبيبتى ويعينك على الدراسه وبنوتك لحسن فعلا حاجه صعبه الله المعين ياحبيبتى

ولا يهمك ياحبيبتى وبالف هنا الورق العنب انا بموت فيه واحمد جوزى كان عاوز اعمله بكره بس
كسلت يلا ربنا يعنا ويعينك ياحبيبتى ويهديلك جومانا عشان تعرفى تزاكرى ربنا معاكى ياحبيبتى

ربنا يخليكى يا عليا على دعواتك ويلا ابعتلك شويه على النت هههههههههههههههههههههههه ما انا جوزى برضه بيحب جدا الورق العنب

الحمد لله خلص بسرعه فى عمايله لأنى كنت شايله هم عمايله وجومانا معايا بتبهدل الدنيا اخخ

انا مقيمه فى مكه ياحبيبتى انتى اسمك ايه يا قطوطه وعندك كام سنه

ولا كبيره ولا حاجه ياقمر ربنا ينجحك وتخلصى من الكليه دى على خير يارب انتى من اسكندريه صح

لا ياحبيبتى ولا دخيله ولا حاجه انا كمان مش اسكندرانيه انا من طنطا ونفسى جدا لما استقر اعيش فى اسكندريه ربنا يرزقنا واياك

اهلا بأهل طنطا كلهم عموما طنطا واسكندريه مش بعيد عن بعض كتير

عليا عندك اطفال والا لسه ..؟؟؟ معلش اسألتى كتير بس اهه بندردش شويه ولو حبيتى تمشى فى اى وقت مفيش مشاكل انا بكلمك وانا بذاكر على فكره من على النت بترجم ماده انجليزى معايا ...

لا اسئلتك كتير ولا حاجه ياقمر اسالى براحتك متعمليش فرق انا يا ستى عندى 28 سنه وعندى عمر 3 سنين و3 شهور ومعاذ سنه و3 شهور وزوجى بيشتغل فى مكه مدير مالى وانا بكالوريوس خدمه اجتماعيه شفتى بقى انا رغايه ازاى ههههههههههههههه

هههههههههههههههههههههههههه لا رغايه ولا حاجه بس انتى لذيذه والله وربنا يخليلك اولادك يارب اساميهم حلوه اوى