موضوع: حملة الصلاة على وقتها ... مين معايا الأحد 06 يونيو 2010, 3:30 pm
السلام عليكم حبيباتى فى الله دى اول مرة اكتب فى المنتدى الاسلامى
لكن انا حبيت انكو تشاركونى الصلاة على وقتها لانى فى الفترة الاخيرة لقيت نفسى توهت فى زحمة الحياة فى البيت والولاد وحاجاااااااااات كتيييييييير فقلت لازم ارجع احافظ على صلاتى من جديد واصليها فى وقتها
ولازم يكون فى صحبة تشجع بعضها باذن الله على فعل الخير
لان احنا عارفين (انما ياكل الذئب من الغنم القاسية)
يعنى الشيطان بيوسوس للانسان اللى بعيد عن الصحبة الصالحة وبيقدر عليه اكتر من اللى مع جماعة صالحة
طيب نظامنا هيبقى ازاى
اولا لازم تعرفى اوقات الصلاة امتى بمعنى كل يوم الصبح تبصى فى النتيجة وتعرفى وقت الصلوات
عشان تحضرى نفسك قبلها بالوضوء وتسيبى كل اللى فى ايدك
يعنى اللى موظفى تتوضى قبل وقت الصلاة
اللى ربة منزل تسيب اللى فى ايدها قبل الضهر كمثاااال تروح تتوضى وتردد الاذان وهى بتكمل شغلها وتقوم تصلى
اللى عندها اطفال صغيرين رضع زيىىىىى
تتوضى قبل معاد الصلاة بوقت كافى والطفل ساكت
وتحافظ على وضوءها لحد الاذان وممكن تصلى وهى شايلة البيبى
طيب عاوزين كمان مافيش واحدة تنزل الا وهى متوضية من بيتها
حتى لو هى نزلت بعد الضهر وقالت ساعة وهرجع برضو اتوضى
يمكن تتاخرى برة
وساعتها لو اذان اذن عليكى فى اى وقت تدورى على مسجد وتصلى
وطبعا ممكن تتوضى فى اى مكان
خلى شعارك فى حياتك صلااااااااااااتى اولا ثم اولاااااااا
وكلنا عارفين حديث النبى صلى الله عليه وسلم
ماتقرب الى عبدى بشىء احب الى مما افترضته عليه
عاوزين كلناااااااااا يا بنات وياستات نتقرب لربنا بالصلاة
قرة عين النبى صلى الله عليه وسلم
تمام كده ؟؟؟؟؟؟؟؟؟؟؟؟
نيجى بقى لنقطة التشجيع كل واحدة تصلى يوم خمس صلوات فى وقتها تيجى تقولنا وتكون نيتها تشجيع اخواتها وتستعيذ بالله من الرياء والعجب والرياء هو ان الانسان يحب يظهر نفسه قدام الناس والعجب هو ان الانسان يشوف نفسه مافيش حد احسن منه وان لاقبله ولا بعدة الاعجاب بالنفس يعنى
وحاجة كمان كل واحدة تقولنا تاثير الصلاة على اولها فى حياتها ايه ان شاء الله لو راحة نفسية لو تيسير امور لو رزق لو زوااااج لو نجاح لو حب الناس
يلاااااااا ميييييييين معاييييياااااااا
شجعونى بالله عليكم وخليكو معايا وانا معاكو باذن الله
اللهم يسر لنا الصلاة على وقتها وحبب الصلاة الينا واعنا على طاعتك امين
Admin Admin
المشاركات : 677
موضوع: رد: حملة الصلاة على وقتها ... مين معايا الخميس 10 يونيو 2010, 9:50 pm
وآجمعـي قلبك مليا ؛ واسمعيني جيداً
فإني لكي ناصحه ومحبه ؛ وعليك حريص ومشفقه !
»اهرعى إلى الصلاة «
إذا أردنا السعادة وعقدنا العزم على نيل أقصى مراتبها
إذا بحثنا عن الطمأنينة وحاولنا الحصول على أسمى منازل الراحة النفسية
إذا أردنا البركة في حياتنا .. أعمارنا .. أعمالنا ..أبنائنا كل شيء في حياتنا وبعد مماتنا إذا بحثنا عن النور العظيم الذي يضيء لنا طريقنا المليء بالأشواك والشهوات إذا أردنا أن نجمع كلمتنا ونوحد غايتنا ونحقق أمانينا إذا أردنا أن نستمر في ركب الأخيار والبعد عن قوافل الأشرار إذا أردنا كل ذلك وأكثر من ذلك !
علينا بطاعة الله ورسوله الكريم صلى الله عليه وسلم
علينا بعماد الدين الصلاة .. الصلاة .. الصلاة
عندما تشعري بالهم والحزن اهرعي إلى الصلاة عندما تشعري بالألم الجسمي والنفسي اهرعي إلى الصلاة عندما تضيق بكى الدنيا وتزداد شدة وقست عليك اهرعي إلى الصلاة عندما تفقد عزيز أو يتخلى عنك حبيب اهرعي إلى الصلاة عندما تتركي وطنك وتقاسي آلم الغربه اهرعي إلى الصلاة عندما تنزل عليكي المصائب وتصيبك الفواجع اهرعي إلى الصلاة عندما يضايقكى أصحاب دين أو عوز الحياة اهرعي إلى الصلاة
اطرقي الباب .. باب السماء .. اطرقي أبواب الاستجابة
اطرقي باب من لا يخفى عليه شيء في الأرض ولا في السماء
اطرقي باب مالك الملك والقادر على كل شيء أطرقي باب من يجيب دعوة المضطر إذا دعاه أطرقي باب العزيز ولا تيأس ولا تقنط فأنت تسأل خالقك ومولاك تضرعي .. أبكي .. كرر مسألتك .. أكثري من السجود سوف تشعرين براحة كبيرة جدا !
نعم أنتي على موعد مع الملك
خمس مرات .. يا لها من أجمل الأوقات
ولكى أنتي تزوره في أي وقت تشاء فهو لا يمل من سؤالك وإلحاحك ولا تنسي الصلاة في اوقاتها لا تكسلي .. لا يوسوس لكي الشيطان .. لا تتبعي النفس هواها كم من الأوقات .. أضعناها ونحن سعداء .. في معصية فلما لا تستغل بقية أوقاتنا طاعة وشكر وسجود لله صلي فلا تدري أتعيشين أم تكون من الأموات .. وقد تعجزي عن الصلاة .. ولكن سيصلون عليكي اخشعي في صلاتك و قلي في نفسك (( هذه آخر صلاة لي .. بعدها سيقبض ملك الموت روحي )) استشعر ذلك وتخيلي آن الجنة أمامك والنار كذلك واجتهد في الدعاء والتضرع والبكاء تأكدي أن دعائك سيجاب لا محالة فأمره بين الكاف والنون ~
عن أبي هريرة رضي الله عنه قال : قال رسول الله صلى الله عليه وسلم
(( إن أول ما يحاسب به العبد يوم القيامة من عمله صلاته ، فإن صلحت فقد أفلح وأنجح ، وإن فسدت فقد خاب وخسر ، فان انتقص من فريضة شيئا قال الرب عز وجل : انظروا هل لعبدي من تطوع فيكمل منها ما انتقص من فريضة ؟ ثم يكون سائر أعماله على هذا )) رواه الترمذي وقال حديث حسن ؛
]e]وهــــج ][
أقرر بذنبك ثم اطلب تجاوزهم عنه فإن جحود الذنب ذنبان
Admin Admin
المشاركات : 677
موضوع: رد: حملة الصلاة على وقتها ... مين معايا الثلاثاء 15 يونيو 2010, 10:01 pm
الموضوع كبير ومش عارفة ابدأ منين ومش المهم البداية المهم الاستمرار والنهايه
لو حد سألك بتصلى ولا لأ بتقولى ايه بتبقى مكسوفة من نفسك بيبقي نفسك تصلى وتقولى هبدأ من اول بكرة هبدأ لما انجح هبدأ لما اتخطب هبدأ لما اتجوز مسألتيش نفسك طيب لحد امتى الشيطان هيضحك عليكى نفسك تصلى ومبتصليش ونفسك تلتزمى مستنية ايه تعالى معانا فكرت كتير وانا بكتب الموضوع ليه مبنستمرش نتشجع شويه ونصلى ونرجع الحماس يقل ونبتدى نقل ونفوت الصلاة طيب لو حاولنا نخلى الصلاة عادة يومية يعنى مينفعش نستغنى عنها زى باقى العادات الاكل والشرب والنوم ممكن نستغنى عن حاجة من الحاجات ديه اشمعنى بنستغنى عن الصلاة وبنكسل فيها عايزة نبدأ حملة الا صلاتى ونكون مع بعض ونشجع بعض وواللى مبتصليش متتكسفش وتقول عشان من النهاردة هتبقى بأذن الله ملتزمة فى الصلاة بأرادتها عشان هى عايزة تبقى ملتزمة احنا بارادتنا بنلتزم بالحاجة اللى احنا عايزينها يعنى لما بتبقى عايزة تخسى بتعملى رجيم وتلعبى رياضة عشان تخسى ولما بتبقى عايزة تنعمى جسمك ولما بتبقى عايزة تطولى شعرك وحاجات كتيرة ومش بقول انها عيب ولاغلط انك تعمليها بس شوفى بتعملى مجهود اد ايه عشان توصلى للنفسك فيه فهل ياترى ربنا صاحب الفضل علينا وصاحب النعم الكتير اللى عندنا وبنملكها مش هو احق بالمجهود اننا نبذلة فى اداء ابسط حق ليه عندنا وهو فريضته معلش طولت عليكم بس بجد نفسى نحس بنعم ربنا ونحاول نشكر ربنا بحملة الا صلاتى
قلوب تشتاق الى الجنه
المشاركات : 309 البلد : المدينة : الأسكندريه
موضوع: رد: حملة الصلاة على وقتها ... مين معايا الجمعة 18 يونيو 2010, 12:26 am
الأحد 06 يونيو 2010, 3:30 pm
