دردشه البلطيات 2

الحمد لله يا عليا انا كويسة بس بدخل ما بلاقيش اى واحدة فيكم فبخرج من غير رد انتى عاملة اية واولادك ازى حالهم وانتى عاملة اية فى حفظ القرآن

داليدا يارب يرزقك بطفل جميل يملى عليكى حياتك ويونس غربتك ايوة كان بقالى سنتين منزلتش وما صدقت بقة علشان انزل الاجازة الكبيرة دى

نودى انتى كمان وحشانى يارب تكونى بخير والجواز يكون حلو ويرزقك بالذرية الصالحة

لولو دة نورك ياقمر تسلمى لى يارب
سوزى ربنا يشفيلك مامتك يارب

رشوش فينك لية غايبة عننا

السلام عليكم ورحمه الله وبركاته

الحمد لله يا فطومه انا بخير والحمد لله كان عندى اختبارات الايام اللى فاتت فى اربع اجزاء وبفضل الله ومنه جبت امتياز ادعيلى عقبال ما اختم يارب
ويارب باقى البنات يطمنونا عليهم ويكونوا بخير يارب
بحبكم فى الله

المشاركات : 234 البلد :

ازيكوا ياحبايبى
معلش انا نفسيتى كانت تعبانة علشان ماما تعبانة
بس بدخل اتطمن على اخباركم وواحشنى جدا
وانا دلوقت سعيدة ومبسوطة لان فيه حاجة فرحتنا شوية وهى فوز المنتخب
الف مبروك الجواز يانودى ربنا يهنيكى
وحمدالله على سلامتك يافاطمة(على فكرة انا بعتت لك رسالة عالخاص هنا)
وسلامى لداليدا ورشا(ربنا يقومك بالسلامة ووحشتينى جدا)
وسلامى لعلياء حبيبتى
ومبروك لسارة اكيد هى ناسيانا فى شهر العسل
انا مبسوطة اننا رجعنا نتلم تانى
وربنا يسعدكم جميعا
ومتنسوش تدعوا لماما بالشفاء
بحبكم كلكم
واسفة لو نسيت حد

Admin المشاركات : 677

وحشتونى كلكم اوى اوى .. فطوم وعلياء وسوزى ونهى الوحشة والعرايس نودى وسارة .. وداليدا ويارب ماكونش نسيت حد مش لازم كل مرة افضح نفسى وافكركم ان عندى زهايمر لا ومنتعش كمان اليومين دول جدا هههههههههههه

وفعلا اول مرة احس بطعم الفرحة الحقيقية النهاردة بعد فوز مصر حبيبتى والمنتخب وعقبال يارب الماتش الجاى وانا متوقعة ان النتيجة حتكون 2/0 او 2/1 وباذن الله لصالح منتخبنا

اللهم لك الحمد كما ينبغى لجلال وجهك وعظيم سلطانك

سوزى وحشتينى اوى والله .. والف سلامة على ماما روقى ياقمر ان شاء الله تبقى زى الفل ويخليهالك يارب ويديها الصحة والعافية ويشفيها شفاءا لا يغادر سقما باذن الله عاجل غير اجل

المشاركات : 57 البلد :

الف سلامه على مامتك يا سوزى
ادعو كلكو لمنتحبنا الجميل يكسب النهارده ويفرحنا
يااااااااااااااااااااااااااااااااااارب

السلام عليكم ورحمه الله وبركاته
ازيكم حبيباتى يارب تكونوا بخير جميعا
ياااااااارب الفوز لمصر
فاطمه حبيبتى طمنينى عليكى انتى فى الجزائر مش كده وهو اللى بيحصل للمصرين فى الجزاير صح ولا لا طمنينى بجد قلقانه عليكى خالص

المشاركات : 234 البلد :

ازيكوا يابنات
ربنا يخليكم ليا ومتحرمش منكم
شوفتوا المهازل ال حصلت للمصريين فى السودان!!!!
اومال لو كنا كسبنا الماتش
كانوا عملوا ايه فينا
حسبنا الله ونعم الوكيل

المشاركات : 57 البلد :

والله يا سوزان حاجه تحرق الدم.كل واحد مصري حاسس ان هو الى اضرب.ربنا ينصرنا على اي حد يعادينا يااااااااااااااارب
اعتقد يا عليا ان فاطمه مش فى الجزاير .فطوم فى المغرب"بس برده يا فطوم مستنينك تطمنينا عليكي
وربنا يستر

مساء الخير

عليا انا بخير والحمد لله زى ما قالت داليدا انا فى المغرب بجد هنا محترمين جدا ومؤدبين وبيحبونا جدا

بجد نفسيتى تعبانة من الابيحصل لنا دة اهانة وكرة وقلة ادب بجد مش عارفة لية كدة احنا عملنا فيهم اية ولية الاهانات دى

بس مفروضما نسكتش ابدا وناخد حقنا منهم وحسبى الله ونعم الوكيل

سوزى الف سلامة على مامتك وما تنحرميش منها ابدا وشكرا على رسالتك والله ما شفتها الا لما قريت ردك

داليدا حبيبتى انا بخير ربنا يخليكى انتى اية اخبارك

رشوش بتغيبى عننا لية كدة

باقى القمرات فينكم تحياتى اليكم جميعا

السلام عليكم ورحمه الله وبركاته
ازيكم ياحلوين وحشتونى اوى
فاطمه حبيبتى الحمد لله والله بجد كنت قلقانه عليكى
حسبى الله ونعم الوكيل بجد بان اوى حقد وغل الجزائرين لمصر ايه ده بجد حاجه تقرف ومقززه اوى حسبى الله اللهم رد كيدهم فى نحورهم وانصرنا على من عادانا امييييييييييين
تحياتى لكل البنات
بحبكم فى الله

المشاركات : 234 البلد :

ازيكوا ياحبيبى كلكم واحدة واحدة علشان منساش حد
ربنا يخليكوا ومنتحرموش من بعض
بحبكم جميعا فى الله

صباح الخير عليكم جميعا

ازيكم يا بنات عاملين اية

عليا ربنا يخليكى بس الواحد زعلان من الا بيحصل دة انتى عاملة اية

سوزى اية اخبار مامتك يارب تكون اتحسنت انشاء الله

داليدا انتى فين

نودى مشغولة ولا اية

سلاماتى وتحياتى اليكم

كل سنة وانتم جميعا بالف خير وصحة وينعاد عليكم وعلى اسركم بالصحة والهنا

احنا العيد هنا بكرة حد يقولى لية اقولة مش عارفة من يوم ما جينا هنا وهنا بيعيدو بعد مصر بيوم

سلاماتى اليكم جميعا وقبلاتى

السلام عليكم ورحمه اله وبركاته
ازيكم يابنات وحشتونى اوى يارب تكونوا بخير جميعا وكل سنه وانتم طيين وبخير دايما يارب
فاطمه معقول انتوا عندكم العيد بكره وليبيا عندهم كان امبارح بجد حاجه غريبه يعنى يوم عرفه اللى الناس بتبقى واقفه على جبل عرفات انتى مش بتبقوا صيمين حاجه غريبه جداااااااا الله المستعان
تحيه خالصه من قلبى لكل البنات بمناسبه العيد وعيد اضحى مبارك على الجميع
بحبكم فى الله
دردشه البلطيات 2 - صفحة 7 692326

المشاركات : 234 البلد :

كل سنة وانتم جميعا بخير حبيباتى الغاليات

صباح الخير

لا يا عليا طبعا بصوم يوم عرفة بس العيد كل سنة بنفس الطريقة بعدكم بيوم والله السر اية معرفتوش لغاية دلوقتى

سوزى كل سنة وانتى طيبة وما اتحرمش منك ابدا

sozy كتب:: كل سنة وانتم جميعا بخير حبيباتى الغاليات

وانتى طيبه وبخير يارب انتى وجميع المسلمين

السلام عليكم ورحمة الله وبركاتة

انتم فين يا بنات اللحمة عملت فيكم اية اظهروا وبانو

وكل عام وانتم بخير

المشاركات : 156 البلد :

صباح الخير عليكطم اين انتم يا جماعة تحياتى اليكم جميعا

السلام عليكم ورحمه الله وبركاته
ازيكم حبيباتى وحشتونى اوى يارب تكونوا بخير جميعا
فاطمه اخبارك ايه يارب تكونى بخير انتى والاولاد
لولو بتعيطى ليه بس خير ياحبيبتى ان شاء الله
سوزى فينك بقالك كتير مش بتدخلى على الميل ولا الموقع خير يارب ياريت تطمنينى عليكى وعلى صحه ماما
رشا يارب تكونى بخير حبيبتى انتى والولاد والبيبى
ياريت كل البنات تطمنونى عليكم وتحياتى للجميع
بحبكم فى الله

مساء الخير عليكم

عليا كنتى فين يا قمر تحياتى اليكى

سوزى اية اخبارك طمنينا عنكى وعن ماما

رشوش لية الغياب دة

لولو فينك

نودى وسارة وريهام ومنار فينكم يا بنات

انا هنا اهو يافاطمه ياحبيبتى ازيك اخبارك ايه يارب تكونى بخير ياقمر انتى والاولاد
تحياتى لكل البنات
بحبكم فى الله

ازيك يا عليا الحمد لله انك بخير اخبار الاولاد اية

البنات دول دوخونى ما بقوش يدخلو خالص يارب يكونو بخير دردشه البلطيات 2 - صفحة 7 692326

السلام عليكم ورحمة الله وبركاتة

فينكم يا بنات متغيبين لية كدة

تحياتى اليكم جميعا