ايه رايك تطولى وتنعمى وتعالجى التقصف بشويه مايه دافيه

Admin المشاركات : 677

السلام عليكم نبدا باسم الله

جايبلكم طريقه والله يابنات هى كانت جديده عليا
جداااااااااااا
دايما نقول زيوت وحمامات كريم و و و و و و
ايه رايك بقى بشويه مايه دافيه وحاجه من العطار ب2
جنيه شعرك يطول وينعم ويلمع والتقصف يتعالج سريعا اسرع من كل الزيوت

ويخلق ما لاتعلمون
اقول ولا استنى

طيب خلاص بصوا بقى فيه حاجه عند العطار
اسمها بذر القطونه

شكلها زى حبه السمسم ولونها بنى يميل للاحمرار ولما
تحطى عليها مايه دافيه
وتقلبى تلاقى ماده لزجه تكونت شبه الجيل وهى دى بقى الماده
السحريه بتاعتنا

تكونى غاسله شعرك ومش مهم جاف اومبلول وتاخدى
بمشط من الماده دى وطبعا الحبوب الصغيره دى هتطلع معاكى عادى وتسرحى شعرك خصله خصله لغايه ما تخلصى كل شعرك وتلبسى بونيه عادى

وتسيبيها ساعتين مثلا بس كل ماكان اكتر افضل وبعدين تحت الدشباستخدام مشط اسنانه رفيعه او الفلاية بتاعت زمان فاكرينها ههههه

برضه سرحى لغايه كل الحبوب والماده ماتنزل من شعرك
واغسلى بصابون نابلسى او صابونه غار او شامبو
اطفال ولما شعرك ينشف وتلاقيه لامع وبيلمع ادعى لى فى
الصلاه ربنا يريح بالى ويرزقنى بنتين توأم ويخليلى ولادى ويهدى سرى انا وزوجى

وعلى فكره مرتين وهتلاحظى شعرك بيطول
بس اقول لك كمان على سر بطول بيه شعرى مع الاعشاب
دى

الضفيره

بس بصراحه من زمان بضفر وكان بيطول بس ضعيف
دلوقتى مع العشبه دى والله شعرى انا مش مصدقه انه وصل المرحله دى لانى عمرى ما كان بيطول للطول ده

بس نسيت اقول لكم اهم حاجه العشبه دى عشان تاخدوا منها نتايج كويسة ممكن تستخدموها لوحدها زى الطريقة اللى فاتت وممكن كمان تحطوا معاها كوباية زبادى بدرجة حرارة الغرفة وزيت (( خروع - زيتون - جرجير - زيت املا الاصلى - وزيت السمسم عشان التقصف بس اللى شعرها فاتح ماتحطهوش لانه بيغمق الشعر )) حطوا اى نوع من الزيوت دى او اى نوع تحبوه بس بصراحة انا بجيب الزيوت دى كلها وعلبة الزبادى وبحطها على خلطة القاطونة وعلى فكرة والله بتطرى الشعر جدا وبتغذيه بس مع مراعاة ان الزيوت تكون دافية

بالنسبة للعشبة كل ماكنت بسال عطار الاقيه عارفها ويقولى اه بتاعه تطويل الشعر مش هتلاقيها

واسمها التانى برضه علشان تبقوا عارفينه
المشاط

يلا بقى هاتوها من عند عطار كبير مش بقال وجربوا بس امانه اللى تجرب وتشوف نتيجه ترد عليا وتقول تجربتها عشان البنات تستفاد
:بوسة:

المشاركات : 96 البلد :

المشاركات : 74 البلد :

تسلمي يا قمر علي ها الوصفة الجميلة

المشاركات : 156 البلد :

تسلمى على الوصفه وان شاء الله اجربها وادعيلى لان شعرى بجد مجنني

المشاركات : 156 البلد :

مرسى خالص

المشاركات : 4 البلد :

شكرا يا عسل

شكرا ع الوصفة الجميلة انا كنت خلاص علاج للشعرعشان انا شعرى بايظ اصلا

المشاركات : 27 البلد :

هجربها ولول نفعت هدعيلك ولو منفعتش بردو هدعيلك يا حبيبه قلبى

المشاركات : 6 البلد :

يسلمو اديك على الوصفة وانشاء ايه رايك تطولى وتنعمى وتعالجى التقصف بشويه مايه دافيه 242314

الله حجربها باسرع وقت ايه رايك تطولى وتنعمى وتعالجى التقصف بشويه مايه دافيه 74228

المشاركات : 2 البلد :

شكرا على الوصفة

Admin المشاركات : 677

شكرا يا بنات على الردود جزاكم الله خيرا

المشاركات : 8 البلد :

مرسي يا عسل على الوصفة الرائعة

المشاركات : 8 البلد :

وصفة غاية في الروعة[b][code]

ترى الوصفةحلوى

ميرسى بجد على الوصفة الجميلة دى وانا هاجربها النهاردة ان شاء الله وهقولك النتيجة بصراحة ان شاء الله يا قمر ايه رايك تطولى وتنعمى وتعالجى التقصف بشويه مايه دافيه 242314