ازيكم يا حبايبي انا اليوم اتعلمت اكل جديدة بيقولوا اسمها سلطة الارز
وجربتها وفعلا عجبتني جدا قلت اما اقولكم عليها علشان اللي يحب يجرب
اولا المقادير
2 كوب أرز بسماتي او اي نوع آخر
نصف كوب بسلة
جزرتين مقطعين مكعبات
علبة تونة
الطريقة
الاول بتاخدي الارز بعد الغسيل وتحطيه في الحلة وتحطي عليه زبدة او سمنه وتسيبيه علي نار عاليه يتشوح شوية بس مش يتحمر قبل مرحلة التحمير يعني
بعدين تقومي تحطي عليه مكعبات الجزر وتكون مش مكعبات كبيرة وشوية وتضيفي عليهم نصف كوب البسلة وتقلبي
وتاخد كبايتن ماء ساخن جدا وتضعيهم علي الخليط وتضيفي الملح والفلفل الاسود عليهم وتوطي النهار علي اهدي حاجة خالص وتسيبيه يستوي علي راحته لما تلاقي الارز استوي تطفي النار وتفتحي علبة التونة وتصفيها من الزيت اللي فوق علي وجه العلبة وتضيفي التونة علي الارز وتقلبي الي ان تمتزج التونة بالارز
ان شاء الله تعجبكم انا مجرباها ودايما بعملها يارب طبقي ينول اعجابكم:يارب:
وبالهنا والشفا
الإثنين 08 يونيو 2009, 9:46 pm
