متى ذرفت اغلى دمعة في حياتك؟

زرفت اغلى دمعه فى حياتى عندما تركت بلدى واهلى وصديقتى التى هى اعز عندى من نفسى

[quote="علياء"]زرفت اغلى دمعه فى حياتى عندما تركت بلدى واهلى وصديقتى التى هى اعز عندى من نفسى

sozy كتب:

ذرفت اغلى دمعة فى حياتى فى موقفين
الاول عند وفاة والدى رحمة الله عليه
الثانى عند فقدى لجنينى الاول
اما دموع الفرح لا اعرفها لاننى لاابكى من الفرح
فقط دموعى حزينة
الف شكر على الموضوع يافطوم

شكرا ليكى يا قمر انشاء الله تبقى دموع فرح بإذن الله تسلمى لمرورك

همسه جميله كتب:

ذرفت اغلى دمعه

الاولى وانا بلبس
طرحه الفرح

والتانيه لما جوزى
وقع ف مشكله
وانا علمت بيها

ربنا يبعد عنك المشاكل امين واشكرك على المرور

روما كتب:

ذرفت دموع الحزن لما سافرت وسبت بلدي واهلي واختي الصغيرة بالذات لما شفتها كانت بتموت من البكا علشان انا سيباها وماشية
احساس صعب اوي اوي اوي علي قلبي انك تسيبي بنتك وتسافري حته منك
اما دموع الفرح يوم ما نجحت في الثانوية العامة وجبت مجموع كبير الحمد لله بعد معاناه في المذاكرة وسهر الليالي
اللهم لك الحمد كما ينبغي لجلال وجهك وعظيم سلطانك
شكرا حبيبتي علي موضوعك الرقيق
تسلمي

انا جربت الاحساس دة يا روما وعارفة اد اية هو صعب بس هنعمل اية مش بايدينا حاجة

واشكرك على المرور وانا سعيدة لان الموضوع عجبك

اغلي دمعه فى حياتي زرفتها يوم نتيجه الثانويه العامه في السنه الاولى كانت دموع فرح لانى كنت حاصله علي 96 % بس للاسف في السنه الثانيه كانت دموع حزن لانى حصلت فيها علي 90% وخاب املى في دخول كليه الطب

ذرفت أغلى دمعة غي حياتيفي لحضات الحزن عندما فارقت من أحب وذرفت أغلى دمعة في لحظات الفرح عندما إشتريت هاتفا نقالا لأول مرة

اتمني ياجماعه ان شاء الله ان دموعنا كله تكون دموع فرح قولوا امين

بجد الدموع دايما بتكون اول شي بنعمله اذا فرحنا او لاقدرالله حزنا الدموع هي الشي اللي ملازمنا

لولو كتب:

اغلي دمعه فى حياتي زرفتها يوم نتيجه الثانويه العامه في السنه الاولى كانت دموع فرح لانى كنت حاصله علي 96 % بس للاسف في السنه الثانيه كانت دموع حزن لانى حصلت فيها علي 90% وخاب املى في دخول كليه الطب

اهلا بيكى يا لولو اتشرفت بمعرفتك حبيبتى ومعلش ربنا هيعوضها لك فى حاجة تانية وتكون اخر الدموع الحزينة انشاء الله

عبدالسلام كتب:

ذرفت أغلى دمعة غي حياتيفي لحضات الحزن عندما فارقت من أحب وذرفت أغلى دمعة في لحظات الفرح عندما إشتريت هاتفا نقالا لأول مرة

هههههههه والله ضحكتنى يا اخ عبد السلام انشاء الله تكون دموعك افراح دايما

Admin كتب:

هههههههههههههههههه انا عجبنى اوى تعليق الاستاذ عبد السلام وخصوصا فى دموع الفرح ههههههههه


انا عن نفسى لاتعليق لانى زى امينة رزق بالظبط ههههههه دايما بعيط مبسوطة بعيط حزينة بعيطة

لكن دمعة الحزن الاولى اللى نزلت بحرقة عند وفاة جدتى وهى بمثابة امى لان هى اللى مربيانى والى الان كل ما اتذكرها ابكى بكاء شديد لانها بجد بتوحشنى اوى اوى .. ربنا يرحمها يارب ويسكنها فسيح جناته .. واسال الله العظيم ان يجعل قبرها فى هذه الايام المفترجة روضة من رياض الجنة .

الدمعة التانية اللى بحسها بتقطع قلبى لما حد من اولادى يمرض او يحصله حاجة بحس ان قلبى بيتقطع وبفضل تعبانة حتى بعد ماربنا يعفى عنهم ويشفيهم بفضل متأثرة اوى يمكن لانى بحبهم زيادة عن اللزوم .. ربنا يخليهم يارب ويبعد عنهم العين والحسد والامراض واى شر يارب

معلش استحملونى دى اخر دمعة وهى دمعة حزن وندم وانكسار دمعة الجرح من زوجى على قد ما الحب بيكون كبير على قد الجرح منه مايكون اكبر واعمق .. بس للأسف مش بنسى جرحه ابدا وبيفضل معلم فى قلبى يمكن لان اقرب الناس ليا ومع ذلك بيجرحنى ومش بيحس بيا


اسفة على الاطالة مش بقولكم بعيط كتير هههههههه

تسلمى يافطوم وفى ميزان حسناتك يارب ودايما متالقة ياقمر بمواضيعك الرقيقة اللى بتمس القلب

وحشانى يا رشوش قوى والله انتى عاملة زيى دموعى قريبة جدا ما بتحملش ابدا

ربنا يرحم جدتك ودايما تقرى لها الفاتحة

ربنا يخليلك اولادك ويبعد عنهم كل شر ويجعل ايامك كلها فرح انشاء الله ويديم علينا الاخوة والصداقة دايما يارب

انا اللي اذددت شرف بمعرفتك ياعصفور الجنه وتكون الاخيره لينا كلنا امين يارب

لولو كتب:

انا اللي اذددت شرف بمعرفتك ياعصفور الجنه وتكون الاخيره لينا كلنا امين يارب

ربنا يخليكى يا قمر يارب انشاء الله ودايما تبقى دموع فرحة امين

دموع الفرح هي لما شفت امي وابوي اخواني واخواتي الكبار كلهم
ودموع الحزن هي لما جدي مات الله يرحمه ولما خالي مات
الله يرحمه

الله يرحمهم جميعا يامش مش وربنا يجعل ايامك ودموعك كلها افراح

ذرفة اغلى دمعة عند فراق صديقاتي في المدرسه
ولم خالي مات الله يرحمه

ذرفت اغلى دمعة على فراق صديقاتي في المدرسه
ولم مات خالي الله يرحمه

أنا ذرفت اغلى دمعة لم خالي مات الله يرحمه ولم مرضت أختي

مش مش كتب:

دموع الفرح هي لما شفت امي وابوي اخواني واخواتي الكبار كلهم
ودموع الحزن هي لما جدي مات الله يرحمه ولما خالي مات
الله يرحمه

ربنا يبعد عنك دموع الحزن ويجعلها دموع افراح دائما شكرا لمرورك