جميع حلول التخسيس والتجميل هنا

الف اهلا وسهلا ومرحبا بك يادكتورة ريم
يسعدنا انضمامك وتشريفك لنا فى هذا المنتدى
بصراحة
انا نفسى اخس
بس حاليا مش عندى الارادة
كنت عملت رجيم قبل كدة مع طبيب
كان وزنى 79 كيلو ونزلت فى شهر ونصف الى73
لكن للاسف مثبتش
وكل ال حواليا كرهونى فى نفسى
حسسونى ان شكلى بقى وحش وال شعر بانى مريضة
فرجعت تانى اكل عادى ورجع وزنى تانى وبزيادة 3كيلو وانا طولى 158
حضرتك انا مش باكل كتير لكن جايز النوعية هى ال بتفرق معايا وكمان قلة الرياضة والمشى(وبالذات ربنا يخليلنا النت ال بيقعدنا بالساعات قدامه بدون حركة ههههههههه)
بالنسبة للفطار والعشا يعتبر ثابتين على هذا النظام
الفطار * شاى بلبن سكر قليل ( اقل من نصف ملعقة وانا فى اليوم كله مش بستهلك اكتر من معلقتين سكر)
+ بيضة مسلوقه او جبن مثلثات او قريش او فول وحوالى نصف رغيف بلدى او اقل
العشاء * ثابت تقريبا على
كوب زبادى + فاكهه
اما الغدا بقى هو ال بلخبط جامد فيه
يعنى رز ومكرونة وبطاطس محمرة دايما مع الاكل او باذنجان مقلى
وانا عارفة ان الزيوت والبطاطس والنشويات اساسا ضد الرشاقة
لكن اعمل ايه؟؟؟؟؟؟؟؟؟؟
وكمان بطبخ بالسمن البلدى وهى من اسلحة الدمار الشامل على الرجيم
فيه حاجة كمان
لما بعمل معجنات او كيك وحلويات وده على فترات باكل منها وبستبدل بيها وجبة الفطار
معلش طولت عليكى كتير بس وصفت لحضرتك الحالة بالتفصيل
منتظرة نصائحك ومشورتك على
ولك منى جزيل الشكر