تعالو نتجمع في جدول الطاعة اليومي

نقول بسم الله ونبدأ في يومنا وحياتنا وصحبتنا الطيبة
ونتجمع علي الطاعة والخير ويارب نتجمع في جنة رب العالمين

جدولنا يومي وبسيط باذن الله هنتجمع ونتشارك ونشجع بعض علي الاعمال والخطوات ويكون تجمعنا يومي صباحي إن امكن عشان البركة تحل علينا جميعا
جدول الطاعة اليومي

1) الصلاة في وقتها وهنتكلم مع بعض عن الخشوع كتير

2) صلاة الفجر حاضر وعندك 900 طريقة عشان تصحي تصلي الفجر

3) قراءة ورد يومي من القران (صفحة كل يوم قبل النوم)وهنتابع من بداية سورة البقرة
4) اذكار الصباح والمساء وياريت نفكر بعض بيها ونكتبها عند دخولنا في الصباح او المساء هنا
5) الاستغفار ونفكر بعض بيه

6) الحمد ثم الحمد ثم الحمد (اللهم لك الحمد )

7) صيام التطوع (لمن يستطيع ) اتنين او خميس او 13 و14 و15 من كل شهر عربي
8) الصلاة علي الرسول صلي الله علية وسلم

9) الدعاء لبعضنا البعض

ان شا ءالله من بكرة نبدا في المتابعة
اللهم أعنا علي ذكر وشكرك وحسن طاعتك

ربنا يجعل الجدول ده ف ميزان حسناتك يارب يانهله ياحبيبتى
انا الحمد لله بصلى الصلاة ف وقتها بس بصراحه الفجر لا
وبصلى السنه ركعتين بعد الفرض
والحمد لله بقراء ورد يومى من القراءن بس مش محددة اد ايه حسب مابقدر بس مش اقل من2 او3
وبسبح الحمد لله وبصلى على النبى عليه افضل صلاة والسلام
ولسه النهارده والله كنت بكلم ماما وبقولها ان انا عاوزة اصوم اتنين وخميس وان شاء الله هابداء من الخميس الجاى ربنا يعنى ويعين امه المسلمين
وان شاء الله هحاول على قد ماقدر اثبت واطور من نفسى ف عباده ربنا سبحانه وتعالى
ومحدش يستقل اللى انا بعمله ده لانى ف الاول كنت بصلى كده تأديه واجب مش اكتر
وربنا يغفرلى ذنبى
بس دلوقتى الحمد لله وبحاول والله على قد ماقدر انى اكون بعمل كل الطيب من قلبى والحمد لله ودا انا حساه بجد
ياريت بقا تدعولى اصلى طماعه حبتين
وياريت محدش يقول عليا رغاااااااااااايه
اتركم ف امان الله

المشاركات : 1 البلد :

السلام عليكم ورحمة الله وبركاته
مشكووووووووووورة يا نهلة على الجدول
واللهم اعنا على طاعتك
قولوا آمين
ويله يا نهلة نزلي الجدول
وان شاء الله في ميزان حسناتج

Admin المشاركات : 677

جميل يا نهولة اوى ماشاء الله عليكى ... فعلا احنا محتاجين حاجة يومية تحفزنا ومدام انتم الصحبة الصالحة موجودة يبقى اكيد ان شاء الله حنشجع بعض ونقوى بعض على الالتزام بالجدول ... الله المستعان

انا كمان عندى جدول بعد اذنك يا نهولة بس حنزله فى موضوع لوحده .. الجدول عبارة عن خانة فيها الطاعات ( الصلوات والاذكار والصدقة ...... الخ ) .. وخانة فيها الايام وفى الاخر المجموع .. وكل ماعليكى الا انك تحطى علامة صح قدام كل طاعة عملتيها واخر اليوم تجمعى العلامات دى .. الميزة طبعا انك بتبقى شايفة كل الطاعات قدامك وتقدرى تحددى انتى قصرتى فيه

كمان عندى جدول لسلوكيات .. بيتكلم عن الغيبة والنميمة والكذب .. والجداول دى حلوة لانك اخر اليوم تقدرى تحاسبى نفسك وتشوفى انتى ماشية صح ولا لأ وتقدرى تلحقى نفسك وتعدلى من طاعاتك وسلوكك

اسمحولى انى انزلهم فى موضوع مستقل حتى يتثنى لباقى الاعضاء الرجوع للجداول فى اى وقت

nody
اولا ابدا متقوليش حاجة بالعكس كلامك في محله واحنا فعلا محتاجين نزود ونصحح حاجات كتيرة في حياتنا واهمها عبادتنا لله لازم الاتقان والخشوع يملا قلوبنا وربنا يعنا جميعا علي ومشكورة علي الاهتمام والرد وتابعي معانا

اختي في الله
الداعية بالخير ربنا يجعلك ف يالخير ويبعد عنك الشر انا نزلت جدول الطاعة اليومي هتلاقيه في تاني مشاركة ليه من بداية الموضوع ده ويلا نشجع بعض يوميا ونشوف متابعتنا للجدول وايه ايه مشكلتنا وربنا يعنا علي الطاعة

admin

حبيبة قلبي تسلمي علي الكلام الحلو واكيد لازم تنزلي ونشوف حاجات تانية ونساعد بعض فيها واشكرك علي المتابعة ويلا تعالي نشجع بعض علي الطاعة

اعتذر عن الغياب ولكن لاسباب ترجع للانترنت ربنا يسهل علينا امرنا ويمنع عنا اي مشاكل ويبارك لنا في كل شي

اخواتي في الله
ياريت كل اخت فينا تقول انسب معاد ليها في التجمع عشان نفيد بعض ونتجمع في وقت يتناسب مع الجميع وحتي لو معرفتش اخت تتجمع معنا ياريت تكتب متابعة الجدول و الخطوات والتنفيذ
عشان نحمس بعض اكتر
شكرا

الله ماشاء الله بارك الله فيك حبيبتى وجعله فى ميزان حسناتك
ان شاءالله انا هلتزم بيه على اد ما اقدر وربنا المعين
قال صلى الله عليه وسلم اتريدون أيها الناس ان تجتهدوا فى الدعاء قالو نعم يارسول الله
قال قولوا اللهم اعنا على ذكرك وشكرك وحسن عبادتك
صدق رسول الله صلى الله عليه وسلم
اللهم امييييييين

بارك الله فيك وجعلة فى ميزان حسانتك

اللهم اعنا على ذكرك وشكرك وحسن عبادتك

ربنا يبارك لك يا نهلة وجعلها فى ميزان حسناتك
الحمد لله انا دايما بصلى النوافل وبصوم التلت ايام وكمان الاتنين والخميس

وكمان الاذكار بقولها ورا كل صلاة وطبعا الاستغفار

وبقرأ كل يوم ورد وانشاء الله هكون معاكم