وانتى فى المصيف حصريا على بنات وبس

Admin المشاركات : 677

وإنتى في المصيف حصريا على بنات و بس وانتى فى المصيف حصريا على بنات وبس 11633831441487246193

وانتى فى المصيف حصريا على بنات وبس Kamar_12

ولأن جمالك يهمّنا في كل الأوقات وفي أي مكان يبقى أكيد لازم نقول لك شوية النصائح دي علشان تحافظي على جمالك وعلى بشرتك وإنت في المصيف ..

النصيحة الأولى
بلاش نزول البحر

وانتى فى المصيف حصريا على بنات وبس Kamar_13

وانتى فى المصيف حصريا على بنات وبس Kamar_13

ما تستغربيش قوي كده من كلامي؛ لأن مش قصدي بلاش نزول الميه خالص، لأ قصدي إنك ما تنزليش في الفترة من الساعة 11 إلى الساعة 5؛ لأن الشمس في الوقت ده بتكون مضرة جدّا على الجلد وممكن تحرق جلدك ..

طبعا هتقولي: طيب أنزل وأستخدم كريم واقي من أشعة الشمس هاقول لك: برضه بلاش لو عايزة تنزلي يبقى يا ريت تنزلي الصبح بدري من الساعة 6 إلى الساعة 10 أو العصر الساعة 5؛ لأن الوقت ده بيبقى الجو حلو وبتكون أشعة الشمس مش مضرة، وفي نفس الوقت الشاطئ بيكون هادي ومفيش فيه ناس كتير وتقدري تستمتعي بالميه براحتك، وبكده يبقى أنت ضربتي أكتر من عصفور بحجر واحد؛ حافظتي على بشرتك واستمتعي بالميه ..

النصيحة التانية
استخدمي صن بلوك

وانتى فى المصيف حصريا على بنات وبس Kamar_14

وانتى فى المصيف حصريا على بنات وبس Kamar_14

دي دايما النصيحة اللي بنقولها لك سواء كنت في مصر أو في مصيف ادهني بشرتك بكريم الوقاية علشان تحمي بشرتك من أشعة الشمس وعلشان جلدك ما يتعرضش لأشعة الشمس المباشرة.

طبعا هتقولي: طيب لو قاعدة في البلكونة أو تحت الشمسية برضه أستخدمه؟ هاقول لك: آه برضه استخدميه؛ وده لأن الجلوس تحت الشمسية ممكن يضر بشرتك وده علشان الميه والرمل بيعكسوا أشعة الشمس على بشرتك، وبكده بتلاقي نفسك محتاجة تستخدمي برضه واقي للشمس ونفس الشيء لو قاعدة في البلكونة .

النصيحة الثالثة
لا للماكياج على الشاطئ

وانتى فى المصيف حصريا على بنات وبس Kamar_15

فيه سؤال دايما بيجي لنا من بنات كتير بتعاني من إن ماكياجهم بيسيح وهم قاعدين على البلاج فمثلا بتلاقي الكحل ساح تحت العين وكل حاجة اتبهدلت... وعلاج المشكلة دي إنك ما تحطيش ماكياج وإنت على البلاج؛ وده لأنك مهما تعملي الرطوبة والشمس هتخلي الماكياج يسيح ويبهدل وشّك، وعلشان كده خلي الكام يوم بتوع المصيف دول فرصة إن بشرتك ترتاح من الماكياج واستبدلي ماكياجك بزبدة كاكاو أو مرطب للشفايف وكريم مرطب للبشرة تحطيه بالليل قبل ما تنامي .

النصيحة الرابعة
لا لكريمات التفتيح

وانتى فى المصيف حصريا على بنات وبس Kamar_16

اوعي تسمعي كلام أي حد يقول لك إنك علشان تحافظي على بشرتك وأنت على البلاج إنك تستخدمي كريمات تفتيح البشرة وأنت قاعدة على البلاج؛ لأن ببساطة شديدة جدّاً كل كريمات التفتيح دي مضرة جدّاً جدّاً للبشرة؛ وده لأنها بتحتوي على مواد بتتفاعل مع الشمس وممكن -لا قدر الله- تصيبك بسرطان الجلد ..

النصيحة الخامسة
لا للسيشوار في المصيف

وانتى فى المصيف حصريا على بنات وبس Kamar_17

زي ما هتريحي بشرتك من الماكياج وإنت في المصيف إيه رأيك تريحي شعرك هو كمان من السيشوار، طبعا هتقولي: إزاي ده؟ أنا لازم أستخدم السيشوار علشان أفرد شعري، هاقول لك: إنك حتى لو شعرك اتعمل بالسيشوار فده مش هيجيب نتيجة؛ علشان الميه والرطوبة اللي بتكون موجودة في المصيف بتبوّظ الشعر واستخدامك ليه هيخلي شعرك يتقصف أكتر ..

ولو عايزة تفردي شعرك فعلا يبقى كل يوم بعد ما تغسليه بالشامبو والبلسم المناسبين تتنشفيه كويس وتدهينه بكريم أو زيت وتلفيه في طاقية لمدة ساعة .

النصيحة السادسة
استخدمي الشامبو والبلسم المناسبين

وانتى فى المصيف حصريا على بنات وبس 080718221850o8mi

وانتى فى المصيف حصريا على بنات وبس 080718221850o8mi

وعلشان تحافظي على شعرك من التقصف والجفاف اللي ممكن تتعرضي لهم من تأثير الميه المالحة والرطوبة يبقى يا ريت تحرصي على إنك تستخدمي الشامبو والبلسم المناسبين لنوع شعرك كل مرة تغسلي فيها شعرك .

النصيحة السابعة
حافظي على جمال البلاج

وانتى فى المصيف حصريا على بنات وبس Kamar_19

وانتى فى المصيف حصريا على بنات وبس Kamar_19

ودي آخر نصيحة عايزة أقولها لك وهي إنك تحافظي على جمال ونظافة البلاج، وبلاش ترمي كل حاجة على الأرض وتقولي ما هم هيشيلوها؛ لأن نظافة البلاج دي مسئولة منك إنت مش من حد تاني علشان كده خلي معاكي كيس بلاستيك حطي فيه كل حاجة إنت مش عايزاها وآخر اليوم وإنت قايمة شوفي أقرب سلة مهملات وارميها فيها أعتقد إن الحل ده هيكون أحسن من إنك ترمي كل حاجة على الأرض .

بس كده خلاص خلص كلامنا النهاردة
يا رب فعلا نكون قدمنا لكم نصائح مفيدة ونتمنى لكم مصيف سعيد ..

لوعايزة تدخلى على موضوع

تجهيزات ما قبل المصيف

اضغطى هنا

بس اوعوا تنسونى من الدعاء

والله بجد نصايح هايلة جدا وبجد هسيتفاد منها وانا رايحة رايس البر انشاء الله ربنا يخليكى يا قمر ودايما تجيبى لنا مواضسيع هامة زى دى

بالنسيبة للنظافة انتى عارفة المصريين ما شاء الله النضافة عملة عميلها تعالى شوفى هنا متليش ورقة ولا منديل حتى على الارض بجد نضاف هنا جداياريت نعمل زيهم ونحافظ على نضافة البحر

Admin المشاركات : 677

انتى بتقولى فيها دول فاضحينا ف كل حتة ولا الحج والعمرة .. ربنا يهدى

انا كمان اول حاجة حطيتها فى الهاند باج بتاعتى الصن بلوك عشان خاطر الولاد وبصراحة انا السنة دى جايباه عالى شوية يعنى عامل الحماية بتاعه 90 لان شرم الشيخ حر اوى وخايفة على جلدهم لانه حساس وماتنسيش يا فطوم تلبسى الولاد وهما فى البسين كاب عشان الشمس ماتبقاش ضاربة فى راسهم ... وتروحوا وترجعوا بالف سلامة يارب

بس ليا طلب يا طمطم بما انك مشرفة قسم السياحة فا لازم قدر المستطاع تصورى لنا شوية صور وتجيبى تقرير وافى عن الرحلة

اما انا باذن الله لما نرجع بالسلامة حجيبلكم تقرير بالصور وعمر وزياد بيبلبطوا فى المية هههههههههههه

معلش طولت عليكم

:هيييييييييه:

Admin كتب:: انتى بتقولى فيها دول فاضحينا ف كل حتة ولا الحج والعمرة .. ربنا يهدى

انا كمان اول حاجة حطيتها فى الهاند باج بتاعتى الصن بلوك عشان خاطر الولاد وبصراحة انا السنة دى جايباه عالى شوية يعنى عامل الحماية بتاعه 90 لان شرم الشيخ حر اوى وخايفة على جلدهم لانه حساس وماتنسيش يا فطوم تلبسى الولاد وهما فى البسين كاب عشان الشمس ماتبقاش ضاربة فى راسهم ... وتروحوا وترجعوا بالف سلامة يارب

بس ليا طلب يا طمطم بما انك مشرفة قسم السياحة فا لازم قدر المستطاع تصورى لنا شوية صور وتجيبى تقرير وافى عن الرحلة

اما انا باذن الله لما نرجع بالسلامة حجيبلكم تقرير بالصور وعمر وزياد بيبلبطوا فى المية هههههههههههه

معلش طولت عليكم

:هيييييييييه:

ايوة يا رشوش انا شفتهم بعينى هناك لا حول ولا قوة الا بالله

انشاء الله هصور كل مكان هنروح فية واجيبة للمنتدى انشاء الله ويارب ينبسيطو زياد وعمر وفى انتظار صورهم

اكيد هشترى الصن بلوك من هنا قبل ما امشى هجيب كذا واحد علشان الولاد وعلشانى واشكرك جدا على نصايحك الغالية

جزاك الله خير الموضوع حلو أوى momtaz