هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


 
الرئيسيةأحدث الصورالتسجيلدخول

 

 جهاز الواكس ..ايه هو ومنين وبكام..طيب خلاص تعالي اعرفي مع دلوعة دادا ......وبالصور

اذهب الى الأسفل 
4 مشترك
كاتب الموضوعرسالة
Admin
Admin
Admin


جهاز الواكس ..ايه هو ومنين وبكام..طيب خلاص تعالي اعرفي مع دلوعة دادا ......وبالصور User200
المشاركات : 677

جهاز الواكس ..ايه هو ومنين وبكام..طيب خلاص تعالي اعرفي مع دلوعة دادا ......وبالصور Empty
مُساهمةموضوع: جهاز الواكس ..ايه هو ومنين وبكام..طيب خلاص تعالي اعرفي مع دلوعة دادا ......وبالصور   جهاز الواكس ..ايه هو ومنين وبكام..طيب خلاص تعالي اعرفي مع دلوعة دادا ......وبالصور Emptyالأحد 20 يونيو 2010, 1:18 am

جهاز الواكس ..ايه هو ومنين وبكام..طيب خلاص تعالي اعرفي مع دلوعة دادا ......وبالصور 1276291925
حبايب قلبي الغالين جدااااااااااااااااااا
بتوحشوني بين كل موضوع والتاني بس انا بقي النهاردة جايبة لكم باذن الله المفيد
عن كل مايخص جهاز الشمع او الواكس
لان بنات كتير جداااا سئلوني وعايزين يعرفوا عنه كل حاجة

طبعا انتو عارفين انا اد ايه من هواة السويت ومن اكبر مشجعيها
ودايما اقول ان مفيش احلي ولا انضف منها
بس بجد المرة دي لقيت احلي وانضف واسهل من السويت مية مرة
طيب انا هابتدي علي هيئة سؤال وجواب:

ايه هو الواكس ده؟؟؟؟

ده ياحبيبتي هو الشمع (شمع البرافين)بس معدل بطريقة معينة ومضاف ليه مواد زي الجليسرين
عشان يستخدم لازالة الشعر من الجذور،
وبعض الاحيان بيضاف اليه روائح زي النعناع او الليمون كنوع من الجذب مش اكتر
وملهاش علاقة بالتاثير علي ازالة الشعر

طيب ايه هو بقي جهاز الواكس؟؟؟؟؟؟؟؟؟؟؟

ده جهاز ليه عدة اشكال منها بالكهرباء ومنها بيتسخن بالميكرويف والغرض منه في النهاية
انه يسخن الشمع ويسيحه عشان نقدر نفرده علي الجلد ونزيل بيه الشعر
وده بقي ليه عدة اشكال وانواع والوان وانا هاعرضلكم دلوقتي انواعه:

-ده النوع البسيط جداااا هو عبارة عن زي مستطيل مفرغ متوصل بالكهربا
بتحطي فيه الشمع وتسيبيه تقريبا ربع ساعة لحد مايسيح وبعدين تشتغلي عادي
جهاز الواكس ..ايه هو ومنين وبكام..طيب خلاص تعالي اعرفي مع دلوعة دادا ......وبالصور 1276292576
دي صورته وهو متركب فيه الشمع ومتغطي
جهاز الواكس ..ايه هو ومنين وبكام..طيب خلاص تعالي اعرفي مع دلوعة دادا ......وبالصور 1276292638
ودي صورته من غير الشمع والشمع لوحده
زي ماقلتلكم عبارة عن زي مستطيل مجوف كدا عشان التجويف ده
هو المكان اللي هايتحط فيه الشمع
وزي ماشايفين اللي جنبه الاصفر ده هو الشمع

جهاز الواكس ..ايه هو ومنين وبكام..طيب خلاص تعالي اعرفي مع دلوعة دادا ......وبالصور 1276292743
ده الجهاز لوحده
جهاز الواكس ..ايه هو ومنين وبكام..طيب خلاص تعالي اعرفي مع دلوعة دادا ......وبالصور 1276292793
وده الشمع لوحده(بس هو ناقص منه لاني كنت استعملته)

ده زي ماقلت ابسط نوع من اجهزة الشمع ومتوصل بسلك توصليه للكهرباء
وعيبه بسيط جدا انك لازم تكوني قريبة لمصدر الكهربا بس لو حطيتيه في مشترك
ليه سلك طويل يبقي خلاص قضينا علي العيب

في نوع تاني هو هو بس الفكرة انه متحرر من السلك وله شاحن هو اللي متوصل بالكهربا
زي ده اللي في الصورة
جهاز الواكس ..ايه هو ومنين وبكام..طيب خلاص تعالي اعرفي مع دلوعة دادا ......وبالصور 1276292953
بس الراجل لما روحت اشتري قالي ان الاول احسن عشان ده كل شوية تشيليه من الشاحن
وترجعيه للشاحن فمكان الاتصال بينهم بيبوظ ويبقي عايز تصليح
بس عموما هو هو مفيش فرق يذكر

النوع التالت بقي وده نوع اعتقد انه محتاج حد محترف شوية وده اللي هو عبارة عن آلة كدا
زي الحوض الصغير بتحطي فيها الشمع بيسيح
وبتستخدميه بايدك وتفرديه وتشيليه بردو بايدك مش بورق الشمع
وده زي ماقلت محتاج حد محترف عشان يعرف درجة الحرارة المظبوطة اللي يستخدم فيها الشمع وميلسعش
البشرة وكمان يعرف بردو امتي يشيله من علي البشرة ويكون لسة دافي ومبردش
وده شكله
جهاز الواكس ..ايه هو ومنين وبكام..طيب خلاص تعالي اعرفي مع دلوعة دادا ......وبالصور 1276293185
زي مانتو شايفين بتحطي الشمع وتظبطي درجة الحرارة والشمع بيسيح
جهاز الواكس ..ايه هو ومنين وبكام..طيب خلاص تعالي اعرفي مع دلوعة دادا ......وبالصور 1276293246
وده شكله من بعيد (ملكوش دعوة بالحاجات الموجودة دي هههههههههههههه)
دي صورة من النت طبعا عشان بس اوضح شكله واوريكم المقياس بتاع ضبط الحرارة

طبعا انا كدا خلصت كل انواع اجهزة الشمع الموجودة تقريبا
هاتقولي لا ازاي بقي داانا بسمع عن جهاز شمع 7*1
وجهاز 5*1
وحاجات كدا ده يبقي ايه
هاقولك ياستي هو هو جهاز الشمع بس بقي عشان نحلي البضاعة
بنحط معاه كماليات واكسسوارات (شمع -ورق الشمع-زيت لازالة اثار الشمع وتخفيف نمو الشعر)
وحاجات كدا يعني
بس نصيحتي بقي ليكي لو تقدري هاتي بس الجهاز لوحده لان غالبا الحاجات اللي
بتكون مع الجهاز (الكماليات بتاعته)بيكون نوعها وحش وممكن تعقدك من الجهاز

طيب بردو الكلام ده حلو انا مفهمتش ازاي اشيل الشعر بيه وايه ورق الشمع ده؟؟؟؟؟؟؟

انتي بتوصلي الجهاز بالكهربا وبعد ما الشمع يسيح (جربيه كدا بعدربع ساعة
علي ايديكي لو لاقيتيه اتفرد معاكي يبقي كدا خلاص جاهز)
وتطوني مقطعة الورق علي الطول اللي انتي عايزاه
وتبتدي تفردي الشمع علي المنطقة (بلاش تفردي حتة كبيرة اوي عشان ممكن يبرد منك)
وبعدين تحطي عليها الورقة وتمشي ايديك كدا عليها مرتين او تلاتة وتروحي شداها بسرعة
هاتلاقي كل المنطقة اتشال منها الشعر كله مرة واحدة ومن الجذور

ورق الشمع بقي ده الورق اللي بنفرده علي الشمع ونشده عشان ازالة الشعر
والحقيقة ان ده اكتر حاجة مهمة لانه ممكن ينجح عملية الازالة وممكن يخليها تفشل تماما
ازاي :
عندك مثلا النوع الصيني وحش وحش وحش اول مااشتريته
جيت اشيل الشمع الاقيه يتقطع نصين ويفتل ويلزق في جسمي
وحاجة سيئة جدااا
رجعته للراجل وجبت نوع تاني ايطالي رهيب بمعني الكلمة هو عبارة عن رول كبير
وكتييييييييييييييييييييير جدا بتقطعي منه علي حسب حاجتك
وميزته بقي اني بشيل بالقطعة الواحدة اكتر من مرة يعني موفر جدا جدا
ودي صورته
جهاز الواكس ..ايه هو ومنين وبكام..طيب خلاص تعالي اعرفي مع دلوعة دادا ......وبالصور 1276293937

بصراحة احسن نوع بجد وموفر زي ماقلت جداااااااااااااا
واكيد انتو شايفين انه كبير اوي وانا كمان استخدمته بقي لي شهرين

كدا احنا فهمنا كل حاجة بس ايه مميزاته بقي؟؟؟؟؟؟؟؟؟؟؟

الحقيقة انه اختراع مميز جدااا جداااا
يعني انتي حقيقي بتاخدي مميزات السويت والبراون
يعني انتي بتاخدي نضافة السويت وازالة الشعر من الجذور
والشعر بيطلع متاخر جداااا
وكمان ازالة الجلد الميت

وكمان بتاخدي سرعة وسهولة استخدام البراون
لانه سهل الاستخدام مش محتاج مهارة جامدة افردي والزقي الورق وشدي
مفيش تلزيق وعك ولا بيسيح ولا اي حاجة
وطبعا بتخلصي في نص الوقت اللي كنتي بتخلصي فيه السويت

وياسلام بقي بصي علي رجلك او ايدك كدا بعديها لمعة ونضافة رهيبة بتبقي عملة
زي البنور فعلا

بس اكيد ليه عيوب؟؟؟؟؟؟؟؟؟

بصي انا مش شايفاها عيوب اوي يعني بس للامانة هاقولها
انه اكيد بيتكلف عن السويت لانك بتشتري الجهاز وكل شهرين هاتشتري شمعة جديدة
وكمان كل فترة هاتشتري ورق

انه بعد الازالة بتزيلي اثاره بالزيت مش المية
انا شايفاها ميزة علي الاقل يجبرك ترطبي جسمك
وتقدري تستخدمي اي نوع زيت
(بيبي جونسون ولا زيت زيتون ان شالله حتي زيت اكل
هههههههههههههههههه
وكداتبقي خلصي ازالة ونعيما ياقمر

بس في ناس بتقول انه ممكن يسبب حروق؟؟؟؟؟؟؟

ربنا يكفينا كلنا شرها يارب
بصي بقي لو انتي بتستخدمي النوع الاول او التاني عمره ماهيسبب اي حروق
باذن الله لان درجة حرارته خفيفة جداااااااااا
وعمرها مابتزيد عن كدا اما النوع التالت اللي قلت عليه
ده للمحترفين عشان يتحكموا في درجة الحرارة فنصيحتي ده بلاش
لانك مش هاتعرفي تتعاملي معاه

استعماله للوجه والابط والمنطقة الحساسة؟؟؟؟؟؟؟؟

للوجه ممتاز جدا بس نصيحتي اتدربي في جسمك الاول
لحد ماتبقي متمكنة منه واستخدميه بعد كدا للوش
بس بشويش وافردي حتة صغيرة بحتة صغيرة وشيلي الورقة
بهدوء مش مرة واحدة وجامد
وحاولي انك تشدي الجلد كويس قبل ماتشيلي عشان الازالة تكون مظبوطة
وطبعا بعدها تتدهني مرهم فيوسيكورت علي طول عشان يهدي وشك
ومتخافيش من الكورتيزون فيه (بس الحامل والمرضع لا)
الكورتيزون هنا مطلوب جدا لانه مضاد للالتهاب وهاتستعمليه مرة واحدة بس
وبعدين بقي عليكي وبالتلج وماسك النشا والحليب

الابط والمنطقة الحساسة روووعة

بس بشرط تقدري تشدي الجلد كويس جدا لان الامكان دي فيها تنيات
ومش سهل تشيلي منها بالشمع
شدي الجلد كويس اوووي وتوكلي علي الله
بس لو لقيتي نفسك مش عارفة يبقي بلاش في المنطقتين دول


الالم بتاعه اخباره ايه؟؟؟؟؟؟؟؟؟؟

طبعا مدام دي طريقة لازالة الشعر من الجذور يبقي اكيد في وجع
عشان اكون صريحة معاكي
بس بجد والله العظيم الم خفيف جدا ويعتبر يعني لاشئ بالنسبة للسويت
وحتي براون بتوجع اكتر منه
بس ميزته انه بيشيل كمية شعر كبيرة مرة واحدة فمبتحسيش بيهم


وبكدا بقي مش ناقص غير الاسعار

انا طبعا عايشة في الرياض مش في مصر
انا جبت الجهاز بتاعي (الاولاني في الصور)
ب45 ريال
والشمعة ب10 ريال
الورق بتاع الشمع ب 45 ريال(بس طبعا ده ممكن يقضيني سنة)

اما في مصر فاعتقد سعر الجهاز يتراوح بين 70 و80
والشمع ب15 جنيه
الورق ب10
تقريبا دي الاسعار او رنج الاسعار يعني عندكم
وهاتلاقيه عند بتوع مستلزمات الكوافيرات
وممكن تلاقيه في الهايبرات والماركتات الكبيرة


وبكدا يارب يارب اكون افدتكم وجاوبت علي معظم اسالتكم بخصوص جهاز الواكس
وان شاء الله اكون وفيت
وطبعا اي سؤال انا معاكم وتحت امركم
وبجد تعبت جداااااااا
في التصوير وتصغير الصور
فا اللي مقدر التعب ده منتظرة تقييمه
وليكم مني الف بوسة


منقول
الرجوع الى أعلى الصفحة اذهب الى الأسفل
https://banatwebas.mam9.com
عصفور الجنة

عصفور الجنة


جهاز الواكس ..ايه هو ومنين وبكام..طيب خلاص تعالي اعرفي مع دلوعة دادا ......وبالصور User196
انثى
جهاز الواكس ..ايه هو ومنين وبكام..طيب خلاص تعالي اعرفي مع دلوعة دادا ......وبالصور 69583210
المشاركات : 986
البلد : مصر
المدينة : فى بلاد الغربة

جهاز الواكس ..ايه هو ومنين وبكام..طيب خلاص تعالي اعرفي مع دلوعة دادا ......وبالصور Empty
مُساهمةموضوع: رد: جهاز الواكس ..ايه هو ومنين وبكام..طيب خلاص تعالي اعرفي مع دلوعة دادا ......وبالصور   جهاز الواكس ..ايه هو ومنين وبكام..طيب خلاص تعالي اعرفي مع دلوعة دادا ......وبالصور Emptyالثلاثاء 09 نوفمبر 2010, 9:07 pm

حلو كتير ما شاء الله

تسلمى لنا حبيبتى
الرجوع الى أعلى الصفحة اذهب الى الأسفل
nody

nody


جهاز الواكس ..ايه هو ومنين وبكام..طيب خلاص تعالي اعرفي مع دلوعة دادا ......وبالصور Untitl43
انثى
المشاركات : 443
البلد : مصر
المدينة : alex habibt el kol

جهاز الواكس ..ايه هو ومنين وبكام..طيب خلاص تعالي اعرفي مع دلوعة دادا ......وبالصور Empty
مُساهمةموضوع: رد: جهاز الواكس ..ايه هو ومنين وبكام..طيب خلاص تعالي اعرفي مع دلوعة دادا ......وبالصور   جهاز الواكس ..ايه هو ومنين وبكام..طيب خلاص تعالي اعرفي مع دلوعة دادا ......وبالصور Emptyالأحد 19 ديسمبر 2010, 9:37 pm

الكود:
[i][b]حلو اوى الموضوع دا
تسلم ايدك ياروشا هانم[/b][/i]
الرجوع الى أعلى الصفحة اذهب الى الأسفل
nody

nody


جهاز الواكس ..ايه هو ومنين وبكام..طيب خلاص تعالي اعرفي مع دلوعة دادا ......وبالصور Untitl43
انثى
المشاركات : 443
البلد : مصر
المدينة : alex habibt el kol

جهاز الواكس ..ايه هو ومنين وبكام..طيب خلاص تعالي اعرفي مع دلوعة دادا ......وبالصور Empty
مُساهمةموضوع: رد: جهاز الواكس ..ايه هو ومنين وبكام..طيب خلاص تعالي اعرفي مع دلوعة دادا ......وبالصور   جهاز الواكس ..ايه هو ومنين وبكام..طيب خلاص تعالي اعرفي مع دلوعة دادا ......وبالصور Emptyالأحد 19 ديسمبر 2010, 9:39 pm

love
فينك يابنتى
الرجوع الى أعلى الصفحة اذهب الى الأسفل
دانه

دانه


جهاز الواكس ..ايه هو ومنين وبكام..طيب خلاص تعالي اعرفي مع دلوعة دادا ......وبالصور Untitl41
انثى
المشاركات : 160
البلد : جهاز الواكس ..ايه هو ومنين وبكام..طيب خلاص تعالي اعرفي مع دلوعة دادا ......وبالصور Male_s10
المدينة : الرياض

جهاز الواكس ..ايه هو ومنين وبكام..طيب خلاص تعالي اعرفي مع دلوعة دادا ......وبالصور Empty
مُساهمةموضوع: رد: جهاز الواكس ..ايه هو ومنين وبكام..طيب خلاص تعالي اعرفي مع دلوعة دادا ......وبالصور   جهاز الواكس ..ايه هو ومنين وبكام..طيب خلاص تعالي اعرفي مع دلوعة دادا ......وبالصور Emptyالثلاثاء 28 ديسمبر 2010, 12:44 pm

جهاز الواكس ..ايه هو ومنين وبكام..طيب خلاص تعالي اعرفي مع دلوعة دادا ......وبالصور %D8%B4%D9%83%D8%B1%20%D8%B9%D9%84%D9%89%20%D8%A7%D9%84%D9%85%D9%88%D8%B6%D9%88%D8%B9%20%D8%A7%D9%84%D8%B1%D8%A7%D8%A6%D8%B9
الرجوع الى أعلى الصفحة اذهب الى الأسفل
 
جهاز الواكس ..ايه هو ومنين وبكام..طيب خلاص تعالي اعرفي مع دلوعة دادا ......وبالصور
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
 :: منتدى الاناقة والجمال :: ركن العناية بالبشرة والجسم-
انتقل الى: