الرئيسيةس .و .جالتسجيلالأعضاءالمجموعاتدخول

شاطر | 
 

 وانتى فى المصيف حصريا على بنات وبس

اذهب الى الأسفل 
كاتب الموضوعرسالة
Admin
Admin
avatar


المشاركات : 677

مُساهمةموضوع: وانتى فى المصيف حصريا على بنات وبس   الإثنين 08 يونيو 2009, 9:05 pm

وإنتى في المصيف حصريا على بنات و بس



ولأن جمالك يهمّنا في كل الأوقات وفي أي مكان يبقى أكيد لازم نقول لك شوية النصائح دي علشان تحافظي على جمالك وعلى بشرتك وإنت في المصيف ..

النصيحة الأولى
بلاش نزول البحر




ما تستغربيش قوي كده من كلامي؛ لأن مش قصدي بلاش نزول الميه خالص، لأ قصدي إنك ما تنزليش في الفترة من الساعة 11 إلى الساعة 5؛ لأن الشمس في الوقت ده بتكون مضرة جدّا على الجلد وممكن تحرق جلدك ..

طبعا هتقولي: طيب أنزل وأستخدم كريم واقي من أشعة الشمس هاقول لك: برضه بلاش لو عايزة تنزلي يبقى يا ريت تنزلي الصبح بدري من الساعة 6 إلى الساعة 10 أو العصر الساعة 5؛ لأن الوقت ده بيبقى الجو حلو وبتكون أشعة الشمس مش مضرة، وفي نفس الوقت الشاطئ بيكون هادي ومفيش فيه ناس كتير وتقدري تستمتعي بالميه براحتك، وبكده يبقى أنت ضربتي أكتر من عصفور بحجر واحد؛ حافظتي على بشرتك واستمتعي بالميه ..



النصيحة التانية
استخدمي صن بلوك




دي دايما النصيحة اللي بنقولها لك سواء كنت في مصر أو في مصيف ادهني بشرتك بكريم الوقاية علشان تحمي بشرتك من أشعة الشمس وعلشان جلدك ما يتعرضش لأشعة الشمس المباشرة.

طبعا هتقولي: طيب لو قاعدة في البلكونة أو تحت الشمسية برضه أستخدمه؟ هاقول لك: آه برضه استخدميه؛ وده لأن الجلوس تحت الشمسية ممكن يضر بشرتك وده علشان الميه والرمل بيعكسوا أشعة الشمس على بشرتك، وبكده بتلاقي نفسك محتاجة تستخدمي برضه واقي للشمس ونفس الشيء لو قاعدة في البلكونة .

النصيحة الثالثة
لا للماكياج على الشاطئ




فيه سؤال دايما بيجي لنا من بنات كتير بتعاني من إن ماكياجهم بيسيح وهم قاعدين على البلاج فمثلا بتلاقي الكحل ساح تحت العين وكل حاجة اتبهدلت... وعلاج المشكلة دي إنك ما تحطيش ماكياج وإنت على البلاج؛ وده لأنك مهما تعملي الرطوبة والشمس هتخلي الماكياج يسيح ويبهدل وشّك، وعلشان كده خلي الكام يوم بتوع المصيف دول فرصة إن بشرتك ترتاح من الماكياج واستبدلي ماكياجك بزبدة كاكاو أو مرطب للشفايف وكريم مرطب للبشرة تحطيه بالليل قبل ما تنامي .
النصيحة الرابعة
لا لكريمات التفتيح




اوعي تسمعي كلام أي حد يقول لك إنك علشان تحافظي على بشرتك وأنت على البلاج إنك تستخدمي كريمات تفتيح البشرة وأنت قاعدة على البلاج؛ لأن ببساطة شديدة جدّاً كل كريمات التفتيح دي مضرة جدّاً جدّاً للبشرة؛ وده لأنها بتحتوي على مواد بتتفاعل مع الشمس وممكن -لا قدر الله- تصيبك بسرطان الجلد ..

النصيحة الخامسة
لا للسيشوار في المصيف





زي ما هتريحي بشرتك من الماكياج وإنت في المصيف إيه رأيك تريحي شعرك هو كمان من السيشوار، طبعا هتقولي: إزاي ده؟ أنا لازم أستخدم السيشوار علشان أفرد شعري، هاقول لك: إنك حتى لو شعرك اتعمل بالسيشوار فده مش هيجيب نتيجة؛ علشان الميه والرطوبة اللي بتكون موجودة في المصيف بتبوّظ الشعر واستخدامك ليه هيخلي شعرك يتقصف أكتر ..

ولو عايزة تفردي شعرك فعلا يبقى كل يوم بعد ما تغسليه بالشامبو والبلسم المناسبين تتنشفيه كويس وتدهينه بكريم أو زيت وتلفيه في طاقية لمدة ساعة .


النصيحة السادسة
استخدمي الشامبو والبلسم المناسبين




وعلشان تحافظي على شعرك من التقصف والجفاف اللي ممكن تتعرضي لهم من تأثير الميه المالحة والرطوبة يبقى يا ريت تحرصي على إنك تستخدمي الشامبو والبلسم المناسبين لنوع شعرك كل مرة تغسلي فيها شعرك .

النصيحة السابعة
حافظي على جمال البلاج





ودي آخر نصيحة عايزة أقولها لك وهي إنك تحافظي على جمال ونظافة البلاج، وبلاش ترمي كل حاجة على الأرض وتقولي ما هم هيشيلوها؛ لأن نظافة البلاج دي مسئولة منك إنت مش من حد تاني علشان كده خلي معاكي كيس بلاستيك حطي فيه كل حاجة إنت مش عايزاها وآخر اليوم وإنت قايمة شوفي أقرب سلة مهملات وارميها فيها أعتقد إن الحل ده هيكون أحسن من إنك ترمي كل حاجة على الأرض .

بس كده خلاص خلص كلامنا النهاردة
يا رب فعلا نكون قدمنا لكم نصائح مفيدة ونتمنى لكم مصيف سعيد ..

لوعايزة تدخلى على موضوع

تجهيزات ما قبل المصيف

اضغطى هنا

بس اوعوا تنسونى من الدعاء
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://banatwebas.mam9.com
عصفور الجنة

avatar


انثى

المشاركات : 986
البلد : مصر
المدينة : فى بلاد الغربة

مُساهمةموضوع: رد: وانتى فى المصيف حصريا على بنات وبس   الإثنين 22 يونيو 2009, 12:07 pm

والله بجد نصايح هايلة جدا وبجد هسيتفاد منها وانا رايحة رايس البر انشاء الله ربنا يخليكى يا قمر ودايما تجيبى لنا مواضسيع هامة زى دى

بالنسيبة للنظافة انتى عارفة المصريين ما شاء الله النضافة عملة عميلها تعالى شوفى هنا متليش ورقة ولا منديل حتى على الارض بجد نضاف هنا جداياريت نعمل زيهم ونحافظ على نضافة البحر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Admin
Admin
avatar


المشاركات : 677

مُساهمةموضوع: رد: وانتى فى المصيف حصريا على بنات وبس   الإثنين 22 يونيو 2009, 4:23 pm

انتى بتقولى فيها دول فاضحينا ف كل حتة ولا الحج والعمرة .. ربنا يهدى

انا كمان اول حاجة حطيتها فى الهاند باج بتاعتى الصن بلوك عشان خاطر الولاد وبصراحة انا السنة دى جايباه عالى شوية يعنى عامل الحماية بتاعه 90 لان شرم الشيخ حر اوى وخايفة على جلدهم لانه حساس وماتنسيش يا فطوم تلبسى الولاد وهما فى البسين كاب عشان الشمس ماتبقاش ضاربة فى راسهم ... وتروحوا وترجعوا بالف سلامة يارب

بس ليا طلب يا طمطم بما انك مشرفة قسم السياحة فا لازم قدر المستطاع تصورى لنا شوية صور وتجيبى تقرير وافى عن الرحلة

اما انا باذن الله لما نرجع بالسلامة حجيبلكم تقرير بالصور وعمر وزياد بيبلبطوا فى المية هههههههههههه

معلش طولت عليكم

:هيييييييييه:
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://banatwebas.mam9.com
عصفور الجنة

avatar


انثى

المشاركات : 986
البلد : مصر
المدينة : فى بلاد الغربة

مُساهمةموضوع: رد: وانتى فى المصيف حصريا على بنات وبس   الإثنين 22 يونيو 2009, 6:33 pm

Admin كتب:
انتى بتقولى فيها دول فاضحينا ف كل حتة ولا الحج والعمرة .. ربنا يهدى

انا كمان اول حاجة حطيتها فى الهاند باج بتاعتى الصن بلوك عشان خاطر الولاد وبصراحة انا السنة دى جايباه عالى شوية يعنى عامل الحماية بتاعه 90 لان شرم الشيخ حر اوى وخايفة على جلدهم لانه حساس وماتنسيش يا فطوم تلبسى الولاد وهما فى البسين كاب عشان الشمس ماتبقاش ضاربة فى راسهم ... وتروحوا وترجعوا بالف سلامة يارب

بس ليا طلب يا طمطم بما انك مشرفة قسم السياحة فا لازم قدر المستطاع تصورى لنا شوية صور وتجيبى تقرير وافى عن الرحلة

اما انا باذن الله لما نرجع بالسلامة حجيبلكم تقرير بالصور وعمر وزياد بيبلبطوا فى المية هههههههههههه

معلش طولت عليكم

:هيييييييييه:


ايوة يا رشوش انا شفتهم بعينى هناك لا حول ولا قوة الا بالله

انشاء الله هصور كل مكان هنروح فية واجيبة للمنتدى انشاء الله ويارب ينبسيطو زياد وعمر وفى انتظار صورهم

اكيد هشترى الصن بلوك من هنا قبل ما امشى هجيب كذا واحد علشان الولاد وعلشانى واشكرك جدا على نصايحك الغالية
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
بيبي

avatar


انثى
المشاركات : 6
البلد : مصر
المدينة : القاهرة

مُساهمةموضوع: رد: وانتى فى المصيف حصريا على بنات وبس   الثلاثاء 21 يونيو 2011, 12:27 pm

جزاك الله خير الموضوع حلو أوى momtaz momtaz
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
وانتى فى المصيف حصريا على بنات وبس
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: منتدى الاناقة والجمال :: ركن العناية بالبشرة والجسم-
انتقل الى: