الرئيسيةس .و .جالتسجيلالأعضاءالمجموعاتدخول

شاطر | 
 

 اشمعنا بنات وبس

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
Admin
avatar


المشاركات : 677

مُساهمةموضوع: اشمعنا بنات وبس   الجمعة 01 مايو 2009, 10:47 pm




أزيكم أعرفكم بنفس انا إسمي .. مش مهم
الإسم أنا بنت مصرية .. أكبر أخواتي لكن عمري ما حسيت إني أكبرهم مش مهم السن في
مجتمعاتنا الأهم هو النوع يعني أنا لازم أسمع كلامهم على طول الخط عشان أنا بنت



لو قلت لبابا ميصحش أخويا الصغير
يكلمني بالطريقة دي ألاقيه يقولي " أخوكي وليه الحق عليكي " ولو قلتلهم
وناقشتهم بصفتي كائن حي له شخصية يقولولي " اسكتي بلا قلة أدب " !!


لو حبيت أروح رحلة يقولولي لأ ...وفي
نفس اليوم أخويا يكون بيحضر شنطته عشان مسافركام يوم مع أصحابة !!


آآه الجديد بقى ان متقدملي عريس .. هو أنا لسه صغيرة يادوب عديت العشرين
لكن ماما وخالتي خايفين عليا من لقب " عانس
"
وأهو بيقولولي " ضل راجل ولا ضل حيطة " اسمحولي بقي اصرخ وأقول



" دي مبقتش عيشة " !!


نفسي بقي اتكلم مع ناس يفهموني
يتكلموا مرة مع عقلي ..يعاملوني ككيان مستقل بذاته بيفكر ويحس ويحلم ويا سلام لو
ألاقي بنات ..عايزة أروح مكان كله بنات و بس يمكن يبقي " كافيه بنات "...
نفسي نتكلم هناك كل الكلام ونحكي كل الحكايات مش مهم حتى

لو كانت " افتكاسات " !


أمشي في الشارع ألاقيني عايزة استخبى
من عيون الناس ...ساعات بحس اني بتعاقب لأني اتولدت بنت...لو ركبت تاكسي ألاقي
السواق بيبصلي في المراية....لو شوية زحمة ألاقي الناس ما بتصدق تلزق فيا آه نسيت
" أنا بنت " ..حتي الجامعة ولا كأني ماشية على ناصية شارع كلام وغمزات
"حاجة تقرف "...لو جت بس الفرصة هصرخ وأقولهم " طظ فيكوااااااااا ".


حتى الولد اللي افتكرته بيحبني وقعد
يبني في قصور وانه هيعمل ويسوي الهوايل طلع لا بيحب ولا عنده قلب أساساً...بيحب بس
يتسلى وأديني أهو شايفاه ماشي قدامي معاه "البنت الجديدة "بس أنا خلاص
إتعلمت وبعد كده شعاري في الحياة " مش كل الطير "..


ساعات بحس إني مجنونة ...أو يمكن
الدنيا حواليا هي اللي مجنونة "مش عارفة " مش عارفة أنا صح ولا غلط
..أنا عندية "زي ما بيقولوا" ولا عاقلة زي "ما أنا فاكرة "
صحيح أنا مترددة بالشكل ده؟!


لا لا أنا شخصية سوية بالنسبة لبنات
كتير أعرفهم ...على الأقل أنا مش مغرورة ولا مسيطرة أو.....ياااااااه شكلي هكتب "
يوميات بنت سايكو".


أنا رافضة حاجات كتير في المجتمع
...بحب أفكر في كل حاجة ...ودي نقطة خلافي مع ناس كتير حواليا بيقولوا عليا إني
بجادل وخلاص " يعني لما حد يقولي "اقرصي العروسة في ركبتها هتحصليها في
جمعتها " أو لو حامل أوعي يدخل عليكي راجل لسه حالق " أو أوعي تفتحي
المقص بليل أحسن بيجيب الفقر "


يبقي أنا كده بجادل؟! " يا سلااااااااام "


أما انا امبارح عرفت وصفة أكل جديدة
حلوة وسهلة ...عملتها وأكلتها لوحدي عشان محدش من عيلتي يتريق عليا... واحدة صحبتي
وصفتهالي وقالت لي " بس جربيها ".


بحلم بحاجات كتير...حاجات كتير
مضايقاني في بلدي ...حاجات نفسي تتحقق ..ومش عارفة إمتى؟!! ومن كتر ما ذهقت قلت
أحققها في أحلامي وكتير بحكيها لأصحابي وبعد ما أخلص أقولهم انتوا صدقتوا ده
"كده وكده " !


" اللهم أجعله خير " حلمت امبارح حلم ومش عارفه تفسيره إيه ، حلمت إني في
قاعة كبيرة مع كل صحباتي وبنتناقش مع " أهالينا " مناقشة موضوعية حضارية
وسمعت صوتي بيقولهم اسمعونا قبل

ما تسمعوا " مصايب بنات " !


تعرفوا أحلى ما في الحلم إيه؟؟ انه


"بنات و بس " !!!


[/center]


عدل سابقا من قبل Admin في الخميس 13 مايو 2010, 1:34 am عدل 2 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://banatwebas.mam9.com
nody

avatar


انثى
المشاركات : 443
البلد : مصر
المدينة : alex habibt el kol

مُساهمةموضوع: رد: اشمعنا بنات وبس   الجمعة 01 مايو 2009, 10:58 pm


الله الله
بجد يارشا موضوع جميل بشكل مش قادرة اوصفه
لانه حقيقى دا اللى بيحصل وكل حاجه مكتوبه فعلا باحسها بجد ف حياتى مش انا لوحدى لا كتير منا
موفقه يارشرووووووشه وفعلا احلى حاجه ممكن تحصلنا اننا نبقا بنات وبس
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
علياء

avatar


انثى

المشاركات : 385
البلد : مصر
المدينة : مكه المكرمه

مُساهمةموضوع: رد: اشمعنا بنات وبس   الجمعة 01 مايو 2009, 11:04 pm

تسلم ايدك هو ده بالضبط اللى معقدنى من خلفه البنات ربنا يكون فى عونا
احنا وكل البنات كل الكلام صح صح صح
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ملكة الاحساس

avatar


انثى

المشاركات : 368
البلد : مصر
المدينة : اليكس

مُساهمةموضوع: رد: اشمعنا بنات وبس   الجمعة 01 مايو 2009, 11:17 pm


جد مش عارفة ارد على الموضوع اقول اية
رائع ولا مميز ولا ممتاز ولا اية واية واية
رشا انتى دايمن مبدعة حتى لو الموضوع منقول
بجد رغم كل اللى حصلت علية النساء فى مجتمعنا
ودة مش كتير علينا ولسة فى حاجات كتير مستنينها
ربنا يدينا طولت العمر عقبال ما نحصل عليها
الا احنا عايشين فى مجتمع ذكورى بحت
والمشكلة انى الرجالة هما اللى بيقولك دة صح ولا غلط
طيب ما دام هما مشاء الله عارفين كل حاجة
لية فى معاكسات فى الشوارع ولية فى مضايقات فى الشغل ولية فى
تحرشات فى المواصلات
ولية ولية ولية
والله قلبتى المواجع يا روش
بس بجد موضوع اكثر من رائع
واسفة انى طولت فى الرد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Admin
Admin
avatar


المشاركات : 677

مُساهمةموضوع: رد: اشمعنا بنات وبس   السبت 02 مايو 2009, 9:49 pm

نودى - مشرفتنا حبيبتنا ( علياء ) - ملكة الاحساس

شكرا على مروركن لموضوعى .. نورتونى .. وبصراحة انا اللى مش عارفة اقول ايه على الردود الجميلة بتاعتكم دى .. ربنا يخلينا لبعض ... ويخلى كل البنات :مية مية:
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://banatwebas.mam9.com
kokododo

avatar


انثى
المشاركات : 99
البلد : مصر

مُساهمةموضوع: رد: اشمعنا بنات وبس   الأحد 03 مايو 2009, 12:46 am

ياسلام على الكلام الجامد دة
ايه يا رورو الحلالا دى
يسلم بقك هههههههههه
يا مميز انت
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
nahla




انثى
المشاركات : 35
البلد : مصر
المدينة : حاليا بجدة في المملكة العربية السعودية

مُساهمةموضوع: رد: اشمعنا بنات وبس   الأحد 03 مايو 2009, 1:31 pm

اولا شكر وتقدير للفكرة والموضوع
بس ليه ملاحظه يا حبيباتي ليه وخدين الامور كده فكروا شوية وهتلاقوا كل خير هتسألوني ليه هقولكم
احنا بنات وستات اه
ينفع نكون في الكون وبس لا مش ينفع
محتاجين لاب واخ وزوج في حاجات كتيرة
طب ليه المعاكسات والمضيقات هتقو لوا ازاي لان للاسف الغلط فينا ومن وسطينا اخوات سمحوا لده يحصلهم وبالتالي بقت فكرة عامة كمان فينا من لا يحافظ علي الحوار والشكل والحجاب وبالتالي وصل للاخرين صورة مش سليمة ومش عندنا بس المعاكسات لا في كل الدنيا والبلاد
ولو رجع بينا الزمن وراه ليه الاهل بيفرضوا السيطرة هقول خوف ليس إلا علينا ولينا واحنا بنعرف ده لما نملك في ايدينا بنت من لحمنا ودمنا
والزمن للاسف بتزيد مخاوف الناس فيه من حكاوي واحداث وقصص منها الحقيقي ومنها المزيف بس بتسيب اثر في كل ام وكل اب ومعاها يزيد الخوف والقلق
رب العباد خلقنا وأراد لينا كل خير من اسرة واب واخ وزوج وفي كل مرحلة بنلاقي حماية لينا منهم وسند مادي ومعنوي وجسدي فلازم نقول من القلب نحمدك يارب علي نعمة الاب والاخ والزوج ومن يخالف فيهم شرع الله ربي يوم الحساب يحسبه وفي ميزانه وعدله يحكم بين العباد بس هنا لينا نعرف حقوقنا عند الجميع ونعرف حقوق الغير علينا
يعني مش شكوي وبس لا احنا كمان بنقصر في حاجات كتير وده دليل ان العيوب مش بس في رجالة العيوب فيهم وفينا
بنات وبس اه في الصداقة في المعاملة في الحديث في الحوار
بنات وبس اه في الخير والعمل والاخلا ص
بنات وبس في حب الله رسوله وحب الناس
بنات وبس احلي بنات
اختكم في الله
نهله بنت وبس
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عصفور الجنة

avatar


انثى

المشاركات : 986
البلد : مصر
المدينة : فى بلاد الغربة

مُساهمةموضوع: رد: اشمعنا بنات وبس   الأحد 10 مايو 2009, 7:25 pm

تسلم ايديكى وعنيكى يا رشروش موضوع اكثر من رائع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
sozy

avatar


انثى

المشاركات : 234
البلد : مصر

مُساهمةموضوع: رد: اشمعنا بنات وبس   الأحد 10 مايو 2009, 9:58 pm

ايه الكلام الكبيييير والجامد ده كله يابنت يارشا
والله عندك حق فى كل ال قلتيه
احنا فعلا عايشين فى مجتمع ذكورى لاقصى حد
مهما اتعلمنا مهما تقلدنا مناصب
مهما كان مننا مبدعات فى كافة المجالات
وفى الاخر برضه!!!!!!!!!!!!!!!!!
الراجل راجل والست ست
يااااااااااااااااااااااه نعمل ايه بس
صحيح
زمن رجالى
لكن ولو
احنا هنثبت وجودنا ونغير افكاركم عننا
وهيكون لينا عالمنا الخاص
عالم بنااااااااااات وبسسسسسسسسسسس
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
fofa_1980

avatar


انثى
المشاركات : 261
البلد : مصر

مُساهمةموضوع: رد: اشمعنا بنات وبس   الأربعاء 13 مايو 2009, 6:37 pm

موضوعك بجد جميل تسلمى وتسلم افكارك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
eltorky

avatar


ذكر
المشاركات : 104
البلد : مصر
المدينة : الأسكندرية

مُساهمةموضوع: رد: اشمعنا بنات وبس   الأحد 17 مايو 2009, 1:47 am

nahla كتب:
اولا شكر وتقدير للفكرة والموضوع
بس ليه ملاحظه يا حبيباتي ليه وخدين الامور كده فكروا شوية وهتلاقوا كل خير هتسألوني ليه هقولكم
احنا بنات وستات اه
ينفع نكون في الكون وبس لا مش ينفع
محتاجين لاب واخ وزوج في حاجات كتيرة
طب ليه المعاكسات والمضيقات هتقو لوا ازاي لان للاسف الغلط فينا ومن وسطينا اخوات سمحوا لده يحصلهم وبالتالي بقت فكرة عامة كمان فينا من لا يحافظ علي الحوار والشكل والحجاب وبالتالي وصل للاخرين صورة مش سليمة ومش عندنا بس المعاكسات لا في كل الدنيا والبلاد
ولو رجع بينا الزمن وراه ليه الاهل بيفرضوا السيطرة هقول خوف ليس إلا علينا ولينا واحنا بنعرف ده لما نملك في ايدينا بنت من لحمنا ودمنا
والزمن للاسف بتزيد مخاوف الناس فيه من حكاوي واحداث وقصص منها الحقيقي ومنها المزيف بس بتسيب اثر في كل ام وكل اب ومعاها يزيد الخوف والقلق
رب العباد خلقنا وأراد لينا كل خير من اسرة واب واخ وزوج وفي كل مرحلة بنلاقي حماية لينا منهم وسند مادي ومعنوي وجسدي فلازم نقول من القلب نحمدك يارب علي نعمة الاب والاخ والزوج ومن يخالف فيهم شرع الله ربي يوم الحساب يحسبه وفي ميزانه وعدله يحكم بين العباد بس هنا لينا نعرف حقوقنا عند الجميع ونعرف حقوق الغير علينا
يعني مش شكوي وبس لا احنا كمان بنقصر في حاجات كتير وده دليل ان العيوب مش بس في رجالة العيوب فيهم وفينا
بنات وبس اه في الصداقة في المعاملة في الحديث في الحوار
بنات وبس اه في الخير والعمل والاخلا ص
بنات وبس في حب الله رسوله وحب الناس
بنات وبس احلي بنات
اختكم في الله
نهله بنت وبس


أؤيد هذا الرد

وبعدين البنات واخدة حقها وحق الرجالة
الرجالة قاعدة على القهوة والبنات اللى بتشتغل
دلوقتى نقدر نقول بنات وبس
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
fofa_1980

avatar


انثى
المشاركات : 261
البلد : مصر

مُساهمةموضوع: رد: اشمعنا بنات وبس   الأحد 17 مايو 2009, 11:54 am

eltorky كتب:
nahla كتب:
اولا شكر وتقدير للفكرة والموضوع
بس ليه ملاحظه يا حبيباتي ليه وخدين الامور كده فكروا شوية وهتلاقوا كل خير هتسألوني ليه هقولكم
احنا بنات وستات اه
ينفع نكون في الكون وبس لا مش ينفع
محتاجين لاب واخ وزوج في حاجات كتيرة
طب ليه المعاكسات والمضيقات هتقو لوا ازاي لان للاسف الغلط فينا ومن وسطينا اخوات سمحوا لده يحصلهم وبالتالي بقت فكرة عامة كمان فينا من لا يحافظ علي الحوار والشكل والحجاب وبالتالي وصل للاخرين صورة مش سليمة ومش عندنا بس المعاكسات لا في كل الدنيا والبلاد
ولو رجع بينا الزمن وراه ليه الاهل بيفرضوا السيطرة هقول خوف ليس إلا علينا ولينا واحنا بنعرف ده لما نملك في ايدينا بنت من لحمنا ودمنا
والزمن للاسف بتزيد مخاوف الناس فيه من حكاوي واحداث وقصص منها الحقيقي ومنها المزيف بس بتسيب اثر في كل ام وكل اب ومعاها يزيد الخوف والقلق
رب العباد خلقنا وأراد لينا كل خير من اسرة واب واخ وزوج وفي كل مرحلة بنلاقي حماية لينا منهم وسند مادي ومعنوي وجسدي فلازم نقول من القلب نحمدك يارب علي نعمة الاب والاخ والزوج ومن يخالف فيهم شرع الله ربي يوم الحساب يحسبه وفي ميزانه وعدله يحكم بين العباد بس هنا لينا نعرف حقوقنا عند الجميع ونعرف حقوق الغير علينا
يعني مش شكوي وبس لا احنا كمان بنقصر في حاجات كتير وده دليل ان العيوب مش بس في رجالة العيوب فيهم وفينا
بنات وبس اه في الصداقة في المعاملة في الحديث في الحوار
بنات وبس اه في الخير والعمل والاخلا ص
بنات وبس في حب الله رسوله وحب الناس
بنات وبس احلي بنات
اختكم في الله
نهله بنت وبس


أؤيد هذا الرد

وبعدين البنات واخدة حقها وحق الرجالة
الرجالة قاعدة على القهوة والبنات اللى بتشتغل
دلوقتى نقدر نقول بنات وبس




'طبعا الدنيا متنفعش بنات بس والا مافيش حياة
كدة يبقى خلاص مافيش استمرار للحياة
المقصودهنا اننا يكون لينا حاجة خاصة بينا
نتكلم على حريتنا بدون حرج بدون ما نخاف
ان رجل يبص علينا وعلى كلامنا نتكلم بنات بس
بدون تدخل من الرجالة دى المقصود مش الدنيا يعنى
الى تبقى بنات بس اكيد مش هينفع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
rouka

avatar


انثى
المشاركات : 31
البلد : مصر

مُساهمةموضوع: رد: اشمعنا بنات وبس   الثلاثاء 14 يوليو 2009, 1:50 am

موضع فعلا حلو اوى يا رشروش انا شوفتهم بقولولك كدة محرجة

بس بجد موضوع حلو اوى كل كلامك صح فعلا


قلبـى rouka
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الصادقة

avatar


انثى
المشاركات : 4
البلد :

مُساهمةموضوع: رد: اشمعنا بنات وبس   السبت 22 أغسطس 2009, 12:51 am

اويد هذا الموضوع شكرآ اللك تعرفنا عليكي انا بنت الاردن
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
لولو




انثى
المشاركات : 156
البلد : مصر

مُساهمةموضوع: رد: اشمعنا بنات وبس   الخميس 03 سبتمبر 2009, 2:58 pm

انامقدرش اقول انه موضوع مش جامد ده موضوع هايل بس هاقولك حاجه انا عمرى ماحسيت بحاجه من اللى قولتيها دي لانى عندى ثلاثه اخوات اولاد وواحده بنت بس بابا وماما عندهم انواختى حا\جه تانيه خالص بالنسبه للمعامله يعني اي شي نطلبه مجاب وبابا مبيسمحش ابدا لاي واحد من اخواتى انه يضايقنا ابدا او يتعدي حدوده معانا وديما يقول ان البنات عندى اغلي من الاولاد وده مع اننا عايشين في الصعيد وانتم عارفين افكار اهل الصعيد وعلشان كده انا بحب ماماو بابا اوي اوووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
dody




انثى
المشاركات : 125
البلد : مصر
المدينة : القاهرة

مُساهمةموضوع: رد: اشمعنا بنات وبس   الأربعاء 09 ديسمبر 2009, 5:53 pm

انا شايفة انها مسالة نسبية بس انا مع الكلام الى قالتو رشا فى حاجات كتير والكلام الى قالتو نهلة فى حاجات احنا منقدرش نستغنى عن الرجالة بس لازم يكون لينا شى خاص حاجة نجمع البنات وبس زى مكان للصلاة او عربية المترو الى الرجالة مستكترينها علينا لازم يكون فى نوادى نسائية زى زمان ايام الملكة فريدة. انا مابقولش اننا مهدور حقنا لقدر اللة احنا واخدين حقوقنا بالاسلام لورجعنا للشريعة هنلاقى ان الست واخدة حقها كويس بس للاسف هى الى بقت تتنازل فى ظل الظروف الاقتصادية بعض النساء فى المجتمع اصبحت تساهم فى الحياة الاقتصادية واصبح الرجل متواكل على المراة ولذلك اقول انها نسبية من جهة المراة ومن جهة الراجل الى هو ربتو امراة على السيادة والانانية لانة رجل .
واسفة طولت عليكم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
$اردنيه$




انثى
المشاركات : 32
البلد :
المدينة : اربد

مُساهمةموضوع: رد: اشمعنا بنات وبس   الخميس 21 يناير 2010, 7:53 pm

عنجد موضوعك كثير رائع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
$اردنيه$




انثى
المشاركات : 32
البلد :
المدينة : اربد

مُساهمةموضوع: رد: اشمعنا بنات وبس   الجمعة 22 يناير 2010, 4:49 pm

اويد هذا الموضوع وان من الاردن ممكن نتعرف
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
بنوته طيبه

avatar


انثى
المشاركات : 197
البلد :

مُساهمةموضوع: رد: اشمعنا بنات وبس   السبت 05 يونيو 2010, 6:03 pm

مشكوره حبيبتي على هذا الموضوع صراحه كتييير حلو كتير
صحيح كلامك والله يفكك من مشكلتك واتمنالك كل خير ولكل البنات...
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
madridoOo

avatar


انثى
المشاركات : 90
البلد :
المدينة : ضنك

مُساهمةموضوع: رد: اشمعنا بنات وبس   الخميس 24 مارس 2011, 1:18 pm

شكرا على الموضوع
وفقكم الله وإياكم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الملكه وبس




ذكر

المشاركات : 4
البلد : مصر
المدينة : مصري وافتخر

مُساهمةموضوع: رد: اشمعنا بنات وبس   الجمعة 08 يوليو 2011, 4:51 pm

علي فكره موضوعك جميل جدا هو ده فعلا الي بيحصل واله بقي لو قلتي انا راحه لصحبتي شويه يقولولك لا اصل عندها اخوات جدعان كوبار هما يعني هيكلونا احنا نقدر نحافظ علي نفسنا جامد جدا هما الجدعان دول فكرين نفسهم ايه دول لو مفيش بنات عمرهم مش هيلقو الحنان اسفه طولت عليكي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
اشمعنا بنات وبس
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: المنتدى العام :: منتدى التعارف والدردشة-
انتقل الى: