الموضوع جميل جدا ما شاء الله يا شيخ احمد جزاك الله خيرا وربنا يبلغنا واياك رمضان باذن الله
يعنى بصراحة انا بكل خجل من اصحاب الهمم الضعيفة ومش بعرف استغل حاجة فى رمضان خالص بما انى ست يعنى والوقت ضايع بين البيت والاولاد وكدة فا رمضان بيعدى منى زى الهوا من غير ما استفاد باى شئ فا انا بصراحة داخلة اقوى عزيمتى وايمانى معاكم وكمان اخد منكم افكار
انا باذن الله كل اللى ححاول اعمله واجاهد فيه باذن الله انى اصوم ايوة بجد عايزة اصوم صح مش صيام عن الطعام بس يعنى مش عايزة انم او اغتاب حد مش عايزة اضايق حد منى وكدة يعنى ححاول اصوم السنة دى الصيام الصحيح وربنا يقوينى ويقدرنى
الحاجة التانية ححافظ باذن الله على الصلوات الخمسة فى مواعيدها مش حاخر ولا حجمع اى صلاة
ححاول اجيب محفظة فى البيت واقطتع من وقتى ساعة ابقى مجبرة فيها غصب عنى بالحفظ والتسميع
يعنى انا عارفة اى حد حيدخل حيقول ايه الهبل ده دى حاجات سهلة والمفروض الناس كلها بتعملها بس بجد هى صعبة عليا لان انا ماكنتش بعملها فا حاسة بمجاهدة لانى لسة فى بدايات طريق الالتزام ربنا ييسرلى الحال ويخففها عليا باذن الله
دعواتك يا شيخ احمد بالله عليك ليا وللولاد ولزوجى بالهداية والالتزام وصلاح الحال وارتداء النقاب عاجل غير اجل
جزاك الله خيرا وانا متابعة معاكم الموضوع وحنزل برده افكار قريبا باذن الله
الأحد 05 يونيو 2011, 7:52 pm
